काठमाडौ १९ माघ । नेपालको राजनीतिक इतिहासमा माघ १९ लाई कालो दिनका रुपमा हेर्ने गरिन्छ । आजकै दिन तत्कालीन राजा ज्ञानेन्द्र शाहले बहुदलीय प्रजातान्त्रिक शासनको अन्त्य गरी शासनसत्ता आफ्नो हातमा लिएका थिए । वि.सं २०६१ साल माघ १९ गते ज्ञानेन्द्र शाहले दलहरुमाथी अंकुश लगाउ“दै सत्ता कब्जा गरेको आजकै दिन कालो दिनको रुपमा नेपाली राजनीतिको इतिहासमा चित्रित भएको हो

। ज्ञानेन्द्रले आजकै दिन अर्थात माघ १९ मा तत्कालीन प्रधानमन्त्री शेरबहादुर देउवालाई पदच्युतगरी आफ्नै अध्यक्षतामा मन्त्रिपरिषद गठन गरेका थिए । दलीय नेतृत्वलाई हटाइ महत्वाकांक्षी रुपमा शासनसत्ता हत्याएका ज्ञानेन्द्रको कदम नै राजतन्त्रको अवशान हुनुको पहिलो ‘बलियो’ आधार बन्न पुगेको भनेर राजनीतिमा हेरिने गरिन्छ । त्यतिबेला ज्ञानेन्द्रले शाही घोषणा मार्फत शासनसत्ता आफ्नो हातमा लिएका थिए भने त्यसैदिनबाटै नेपाली सञ्चारमाध्यम समेतमा ‘सेन्सरसीप’ लगाइएको थियो । सेनाका मेजरहरु सम्पादकका रुपमा सम्पादन कक्षमा बसेर समाचार सम्पादन गर्ने गर्थे । ज्ञानेन्द्रको निरंकुश शासनसत्ता २०६२ र ०६३ को जनआन्दोलनपछि अवसान भएको थियो ।