काठमाडौं । युवा तथा खेलकुद मन्त्री डिगबहादुर लिम्बुले ५५ औं एसियाली शारीरिक सुगठन तथा फिजिक स्पोर्ट्स च्याम्पियनसिपमा स्वर्ण पदक जितेकी खेलाडी रजनी श्रेष्ठलाई मन्त्रालयमै बोलाएर सम्मान गर्नुभएको छ ।
स्वास्थ्यमा समस्या देखिएसंगै शारीरिक व्यायम हुदै बडीबिल्डिङतर्फ अन्तर्राष्ट्रिय पदक बिजेता बन्न सफल भएकी श्रेष्ठको जीवन प्रेरणादायी रहेको बताउदै मन्त्री लिम्बुले सरकारकोतर्फबाट आवश्यक सहयोग गर्ने प्रतिवद्धता पनि व्यक्त गर्नुभयो । खेलाडी श्रेष्ठले ढिलै भएपनि सरकारले सम्मानीत गरेकोमा आफूलाई खुशी लागेको बताएकी छिन् । श्रेष्ठले गत भदौमा काठमाडौंमा सम्पन्न ५५ औं एसियाली शारीरिक सुगठन तथा फिजिक स्पोर्ट्स च्याम्पियनसिपको ५५ केजी तौल समुहमा भारतीय खेलाडी सबिता बाँनियालाई परास्त गर्दै स्वर्ण पदक हात पारेकी थिईन् ।
Accuracy, Balance & Credibility - JOURNALISM
स्वर्ण पदक बिजेता श्रेष्ठलाई मन्त्री लिम्बुले गरे सम्मान
एबीसी न्यूज
पुस १२, २०८० बिहीबार २ : ०३ बजे
प्रतिक्रिया दिनुहोस्