काठमाडौं । जाजरकोटको भेरी नगरपालिका ४ स्थित भेरी प्राथमिक विद्यालयका लागि तीन वटा टीएलसी भवन निर्माण गरिएको छ ।
अल ह्याण्ड्स एण्ड हार्र्टस र रिलिफ नेपालले सो विद्यालयका लागि टीएलसी निर्माण गरिदिएका हुन् ।
भूकम्पले ग्रस्त विद्यालयहरुमा अस्थायी सिकाई केन्द्र निर्माणका लागि अल ह्याण्ड्स एण्ड हार्र्टस र रिलिफ नेपालका स्वयमसेवकहरुले सो टीएलसी बनाएका हुन् । त्यहाँ छ वटा कक्षा कोठाहरु रहेका छन् ।
टीएलसी निर्माण सम्पन्न गरेपछि विद्यालय व्यवस्थापन समितिलाई हस्तान्तरण गरिएको छ । भेरी नगरपालिकाका मेयर सीपी घर्तीले रिवन काटी सो टीएलसी हस्तान्तरण गरिएको हो ।
भेरी नगरपालिका १३ कुदुस्थित भगवती माविमा छ कोठाका २ टीएलसी बनाउने योजनामा अल ह्याण्ड्स एण्ड हार्र्टस र रिलिफ नेपाल छ ।
भूकम्प जानेबित्तिकै २११ परिवारलाई राहत सहयोग समेत गरिएको थियो ।
प्रतिक्रिया दिनुहोस्