हेँटौडा, २६ माघ । ३ नं. प्रदेशसभाको सभामुखको निर्वाचन २७ गते शनिबार हुने भएको छ ।
प्रदेशसभा सचिवालयका अनुसार शनिबार बिहान ११ बजे मनोनयन दर्ता, नामावली प्रकाशन १२ बजे र ३ बजे प्रदेशसभाको बैठकको ध्वनिमतका आधारमा परिणाम घोषणा गरिने प्रदेशसभा सचिवालयका डा रोजनाथ पाण्डेले जानकारी दिनुभयो ।
उहाँका अनुसार शनिबार अपराह्न ५ बजेपछि निर्वाचित सभामुखलाई प्रदेश प्रमुख अनुराधा कोइरालाले शपथग्रहण गराउने र सोही साँझ पदभार ग्रहण हुनेछ ।
शनिबार बिहान सर्वदलीय बैठक बसेर आगामी आइतबार उपसभामुखको निर्वाचनका लागि मिति घोषणा हुने सचिवालयले जनाएको छ ।
प्रदेश नंं ३ मा ११० जना सदस्य हुनुहुन्छ ।
प्रतिक्रिया दिनुहोस्