बुटवल १६ भदौ । नेकपा एमालेका अध्यक्ष केपी शर्मा ओलीले प्रधानमन्त्री पुष्पकमल दाहाल प्रचण्डलाई देशको भूभाग दिने अधिकार नभएको बताएका छन्।

शनिबार लुम्बिनी प्रदेशको अधिवेशनलाई सम्बोधन गर्दै पूर्वप्रधानमन्त्री समेत रहेका अध्यक्ष ओलीले भारत हुँदै बंगलादेश जाने बाटोका लागि जमिन दिएको बताउँदै प्रधानमन्त्री प्रचण्डलाई देशको एक इन्च जमिनसमेत बाँड्ने अधिकार नभएको बताएका हुन्।

‘बंगलादेशसम्म जाने बाटो भारतले पहिले नै दिइसकेको छ। बिमस्टेकअन्तर्गत त्यो सम्झौता भइसकेको छ। अनि बंगलादेशमा जाने बाटोमा काँडेतार लागेको छरु कुन बाटोका लागि तपाईं जमिन दिनुहुन्छरु तपाईंको पैत्रिक सम्पति होरु प्रचण्डलाई जमिन बाँड्दै हिँड्ने अधिकार नेपाली जनतालृे दिँदैन। त्यसकारण नेपालको भूभाग अखण्ड छ। हाम्रो देश एक इन्च पनि जमिन कसैलाई टुक्राएर दिन्छु भन्न पाइँदैन। यस्ता त प्रधानमन्त्री भएका छन्,’ उनले भने।

अध्यक्ष ओलीले प्रधानमन्त्री प्रचण्डले भारतसँग इपिजीको प्रतिवेदनबारे एक शब्दसमेत नसोधेको बताउँदै राँगा लिन किन गएको भन्दै व्यंग्य गरेका छन्।

‘इपिजीको प्रतिवेदनबारे किन नबोलेको भन्दा रिसाउँछ भनेर अरे। अनि त्यो राँगा लिन अरूलाई पठाउँदा हुँदैन थियोरु प्रधानमन्त्रीले नै राँगा डोर्‍यानुपर्छ त ? गेरु वस्त्र लगाएको छ मुर्रा राँगा तानेको छ। गेरु वस्त्र धारणम् मुर्रा राँगा ताननम्। यस्ता खालको प्रधानमन्त्री छन्,’ उनले भने।
प्रधानमन्त्री प्रचण्डले ३ महिनाअघि गरेको भारत भ्रमणको विषयलाई लिएर एमाले अध्यक्ष ओलीले कटाक्ष गरेका हुन् । प्रचण्ड गत जेठ १७ गते भारत भ्रमणमा गएका थिए ।
कार्यक्रममा अध्यक्ष ओलीले एमालेले देशको स्वाधीनता, स्वतन्त्रता, भौगोलिक अंखण्डा हुनुपर्छ भन्ने मान्यता राख्ने र राष्ट्रिय स्वाभिमानलाई तल गिर्न नदिने बताए । उनले सरकारले लिम्पियाधुरासँग बंगलादेश जाने बाटो साट्ने कुरा गरेको बताउँदै त्यस्तो गर्न नसकिने उल्लेख गरे ।

उनले एमालेको सरकार ढाल्न नसकेर अदालतमा गएर ढालेको आरोप लगाउँदै वामपन्थीको खोल ओढेकाहरूले दक्षिणपन्थीसँग मिलेर एमालेको सरकार ढालेको आरोप लगाए । उनले प्रचण्डले हिंसा छोडे पनि विप्लवलाई शान्ति प्रक्रियामा ल्याएको, सिके राउतलाई राजनीतिको मूलधारमा एमालेले ल्याएको बताए । अध्यक्ष ओली आफू प्रधानमन्त्री भएको बेला संविधानको सर्वस्वीकार्यता गराउने काम, देशको गुमेको भाग नक्सामा समेटेर भारतलाई पत्राचार गरेको उल्लेख गरे ।