काठमाडौं, २४ माघ । नेपाली कलाकारिता क्षेत्रमा सक्रिय द्वन्द्व निर्देशक राजेन्द्र खड्गीमाथि प्रहरीको केन्द्रीय अनुसन्धान ब्यूरोेले अनुसन्धान थालेको छ ।

उनीमाथि मानिसलाई गैरकानुनी तरिकाले दक्षिण कोरिया पठाएको आरोप लागेको छ ।

केही समय अगाडि खडेगीसहित जम्बो टोली सांस्कृतिक कार्यक्रमम भाग लिन दक्षिण कोरिया गएको थियो । तर फर्किदा खड्गी र अर्को एकजना मात्रै नेपाल फर्केको र बाँकी ११ जना उतै बसेको पाईएको प्रहरीको प्रारम्भिक अनुसन्धानमा भेटिएको छ ।

खड्गीले प्रतिव्यक्ति १० देखी १५ लाख रुपैयाँ असुल गरेर रोजगारीका लागि आकर्षक गन्तब्य मानिएको दक्षिण कोरियामा मान्छे पठाएको सूचना प्रहरीले पाएको थियो । त्यहीँ आधारमा केन्द्रीय अनुसन्धान ब्यूरोेले उनीमाथि अनुसन्धान शुरु गरेको हो।

खड्गीसँगै एउटै टोलीमा गएका श्री प्रसाद राना, निमा शेर्पा र कालु लामा लगायतका ११ जना युवा–युवती कोरियामै रहेको प्रहरीको शुरुको अनुसन्धानमा छ ।

उता कलाकार राजेन्द्र खड्गीले ती व्यक्तिलाई नचिनेको प्रतिक्रिया दिए । उनले भने ,
‘तपाईंले लिएका नाम मैले कसरी चिन्नु? अहिले गाडी चलाईरहेको छु, पछि कुरा गरौँला ।’

प्रहरीका अनुसार पछिल्लो समय नक्कली कागजात बनाएर विश्वका आकर्षक मुलुकमा भीषा आवेदन दिने क्रम बढेको छ । यसरी नक्कली काजगात बनाउँदै अनेक बहानामा बाहिर जानेको क्रम बढे पछि प्रहरीले अनुसन्धान थालेको छ ।