काठमाडौं, २३ माघ । अमेरिकी पूर्व जिम्नास्टिक डाक्टर लरी नास्सारको यौन हिंसाको सिकार भएकाको संख्या २ सय ६५ जनाभन्दा बढी भएको पुष्टी भएको छ। यो संगै उनलाई थप ४० देखि १ सय २५ वर्षको जेल सजाय सुनाईएको छ ।
नासारलाई अघिल्लो पटक १६० जना महिलामाथि यौन हिंसा गरेको पुष्टि भएपछि ४० देखि १ सय ७५ वर्षसम्मको जेल सजाय सुनाइएको थियो । त्यसअघि बालयौन शोषणसंग सम्बन्धित फोटो राखेको आरोपमा उनलाई ६० वर्षको जेल सजाय सुनाइएको थियो ।
अहिलेसम्म भएको फैसलालाई आधार मान्ने हो अब नासारले ३ सय ६० वर्षको जेल सजाय भुक्तान गर्नुपर्नेछ।
नास्सारले १३ वर्षभन्दा कम उमेरकी एक र १६ वर्षभन्दा कम उमेरका दुई बालिकालाई पनि यौन हिंसा गरेको बताइएको छ । पछिल्लो सुनुवाईका क्रममा एक १७ वर्षीया बालिकाले नस्सारलाई सैतानको संज्ञा दिएकी छन् ।
प्रतिक्रिया दिनुहोस्