काठमाडौं २१ साउन । नेकपा माओवादी केन्द्रको केन्द्रीय कमिटी बैठक अघि पदाधिकारी बैठकले ४ दिनसम्म चलेको बैठकको समीक्षा गर्ने भएको छ ।

पाँच दिनका लागि तय भएको केन्द्रीय कमिटीको आज अन्तिम दिन हो। तर, केन्द्रीय सदस्यहरूले धारणा राख्ने क्रम भने सकिएको छैन।

बोल्न नाम टिपाएका अझै दुई सय जनाभन्दा रहेकाले बैठक कसरी चलाउने वा अहिलेसम्को अवस्थालाई हेरेर अध्यक्ष प्रचण्डले जवाफ दिएर बैठक सक्ने भन्ने बारेमा पदाधिकारी बैठकले निर्णय गर्ने भएको छ ।

‘अध्यक्षले जवाफ दिएर आजै बैठक सक्ने तयारी भएपनि

त्यसबारेमा पदाधिकारी बैठकले निर्णय गरे अनुसार गर्ने तयारी भएको महासचिव देव गुरुंगले बताए ।

केन्द्रीय कमिटी बैठकको समय थप गर्ने नगर्ने विषयमा निर्णय लिन बिहान ८ बजे पदाधिकारी बैठक बोलाइएको छ।

यसपालिको बैठकमा सबै केन्द्रीय सदस्यलाई बोल्न दिइने भनेपनि ४०७ केन्द्रीय सदस्यमध्ये शनिबारसम्म २२१ केन्द्रीय सदस्यले आफ्नो धारणा राखेका छन्।

शनिबार उपमहासचिवद्वय वर्षमान पुन, जनार्दन शर्मा, गिरिजा मणि पोखरेल लगायतक पदधिकारी सहित ७४ जनाले बोलेको थिए ।

सम्वन्धित समाचार रिपोर्ट :

प्रचण्डका दाहिने हात मानिने, दिपशिखा, सरल सहयात्री र रहबर अन्सारीले बैठकमा के भने ?