काठमाडौं २२ असार । नेकपा एमालेको अवरोपछि राष्ट्रियसभा बैठक आज पनि स्थगित भएको छ ।
एमालेले प्रधानमन्त्री पुष्पकमल दाहाल ‘प्रचण्ड’ले आफ्नो अभिव्यक्तिका कारण पदमा रहने नैतिक अधिकार गुमाएको भन्दै राजीनामा माग गर्दै शुक्रबारको बैठक पनि अवरोध गरेको हो ।
बैठकमा सांसद विमला घिमिरेले प्रधानमन्त्रीले प्रीतम सिंहको कार्यक्रममा प्रधानमन्त्री बनाउन पटक–पटक दिल्ली गएको भन्ने अभिव्यक्तिप्रति आप्पति जनाइन् ।
प्रधानमन्त्रीको कुर्सीमा बस्ने अधिकार गुमाएको भन्दै तत्काल राजीनमाको माग गरिन् । एमालेको अवरोपछि राष्ट्रिसभा अध्यक्ष गणेश तिमिल्सिनाले अर्को बैठक असार २४ गते ११ः३१ मा बस्ने गरी बैठक स्थगित गरेका हुन् । एमालेको अवरोधका कारण बुधबार र बिहीबारको बैठक पनि स्थगित भएको थियो ।
प्रतिक्रिया दिनुहोस्