घोराही, २० माघ । बसेपनि शहर गाँउकै खाने रहर भन्ने मूल नाराका साथ बिक्रम सम्बत २०७२ सालबाट उत्पादन थालेको पैचो पसल प्रा.लिले दाङमा आफ्नो बिक्री शुरु गरेको छ । पैचोले घोराहीमा एक कार्यक्रमको आयोजना गर्दै दाङमा आफ्नो उत्पादनको बिक्री बितरण सुरु गरेको जानकारी गराएको हो । २०७१ सालदेखी गुल्मीबाट शुरु गरेको अभियान बिस्तार गर्नेक्रममा आठौ बिक्रेता माफ १५ जिल्लाका रुपमा पैचोका खाद्य उत्पादन दाङ आइपुगेको हो ।
बिक्री कार्यको उद्घाटन गर्दै प्रदेसशभा सदस्य अमरबहादुर डाँगीले आफ्नो पहिचान र आयात प्रतिस्थापनको लक्ष्यका साथ आएको पैचोका उत्पादनले रोजगारीका अवसर श्रृजना गर्ने ब्यापार घाटा कम गर्ने बिश्वास ब्यक्त गर्नु भयो । सदस्य डाँगीले राप्ती अञ्चलका पहाडी जिल्लामा उत्पादित कृषि उत्पादनलाई लक्षीत गर्दै दाङ आइ पुगेको पैचो उत्पादनले किसानहरुलाई राहात हुने पनि बताउनु भयो । उहांले नाफा कमाउने नाममा मानब स्वास्थ्यलाई ख्याल गर्दै गुणस्तरीयतामा कुनै पनि सम्झौता नगर्न र वातावरण प्रदुषन न्यूनिकरणमा सचेतहुन पनि आग्रह गर्नु भएको थियो ।

पैचोले अहिले कुनैपनि रासायनिक बिषादि प्रयोग नगरीएका कृषी जन्य बस्तुहरुबाट उत्पादन गरिएका ८ प्रकारका अचार, पाँच प्रकारका जाम, सीन्की, कोदोको पिठो, मकैको आटो, जुस, भटमास, सेमी, मस्यौरा लगाएतका २७ प्रकारका उत्पादनहरु बजारमा ल्याएको छ । गुल्मीमा मात्रै ५१ वटा पसल संचालन गरेको पैचोले अर्घाखाँची, पाल्पा, तनहुं, कास्की, काठमान्डौ, भक्तपुर, मकवानपुर, पर्सा, चितवन, रुपन्देही, बांके, कैलाली, कन्चनपुरलगाएतका जिल्लामा आफ्नो उत्पादन बिक्री गर्दै आएको छ भने गुल्मी पाल्पा, अघौखांची , रोल्पा, रुकुम, सल्यान। कालीकोट, जुम्ला लगायतका जिल्लाका कृषि उत्पादनहरु खरिद गर्ने गरेको छ ।

कार्यक्रममा पैचोको उद्देश्यका बारेमा पैचो पसल प्रा लिका बजार तथा मिडिया निर्देशक शरण कर्माचार्यले जानकारी गराउनु भएको थियो । बिक्री शुभारम्भ कार्यक्रममा पैचो उत्पादनका लागि दाङ जिल्लाको अधिकृत बिक्रेता टिकाराम पन्थ, पत्रकार महासंघ दाङका कोषाध्यक्ष आरके सितल, दाङ उद्योग बाणिज्य संघका अध्यक्ष नारायण भुषाल, दाङ देउखुरी होटेल ब्यवसायी संघका अध्यक्ष रुद्रबहादुर डाँगी लगाएतले शुभकामना मन्तब्य ब्यक्त गर्नु भएको थियो ।