काठमाडौं १४ जेठ । सरकारले प्रधानमन्त्री पुष्पकमल दाहाल प्रचण्डको भारत भ्रमणको अन्तिम तयारीमा रहेको बताएको छ । आइतबार बसेको मन्त्रिपरिषद्को बैठकपछि सञ्चारमन्त्री तथा सरकारकी प्रवक्ता रेखा शर्माले प्रधानमन्त्रीको भारत भ्रमणको क्रममा को–को जाने भन्ने अहिलेसम्म नटुंगिए पनि सानो टोली बनाउने समझदारी भएको जानकारी दिइन् ।

‘विषयहरू मन्त्रालयहरूले तयारी गररहेका छन् । अन्तिम चरणमा पुगिसकेको छ । ऊर्जामा लगानी विद्युत व्यापार, नेपालमा मल कारा ना स्थापना र सीमापार पेट्रोल पाइपलाइन निर्माण देखि सीमा समस्याको कुरा पनि छन् । ती विषयमा छलफल भइरहेका छन् औपचारिक निर्णय भइसकेको छैन । मन्त्री शर्माले भनिन् । शर्माले भोलिको क्याबिनेटले एजेण्डाको अन्तिम टुंगो लगाउने बताइन् ।

शर्माले भनिन्, ‘जुनजुन क्षेत्रसँग सम्झौता हुन्छ त्यो क्षेत्रका मन्त्री वा सचिव जानुहुन्छ । यो प्रतिनिधि मण्डललाई ठुलो नबनाउने भन्नेछ । आवश्यक पर्नेहरू मात्रै जानुहुन्छ ।’ प्प्रधानमन्त्री प्रचण्डले समकक्षी नरेन्द्र मोदीको निमन्त्रणामा जेठ १७ देखि २० गतेसम्म भ्रमण गर्दै छन् ।