काठमाडौँ १२ जेठ। डा. ढाकाकुमार श्रेष्ठले केही अनलाइन मिडियाहरूले समानुपातिक सांसद बन्न तीन करोड रुपैयाँ पार्टीलाई बुझाएको समाचार सम्प्रेषण भएकोमा आपत्ति जनाएका छन् । ती समाचार कपोकल्पित तथा आधारहीन रहेको बताउँदै श्रेष्ठले गम्भीर ध्यानाकर्षण भएको बताएका हुन् ।

उनले सो विषयमा म कुनै मिडियाहरूसँग नबोलेकोले र समाचार सम्प्रेषणको लागि अनुरोध समेत नगरेको दाबी गरेका छन् । उनले भने, ‘मेरो नाम जोडी नैतिक समस्या पार्ने काम गरेकोमा दुःख व्यक्त गर्दछु । साथै निष्पक्ष र स्वतन्त्र पत्रकारिताको धर्मलाई निर्वाह गरी आधारहीन समाचारलाई सम्प्रेषण नगर्न समेत सम्बन्धित मिडियाहरूको ध्यानाकर्षण गराउन चाहन्छु । चा दिन अघि श्रेष्ठले पार्टीका महामन्त्री र उपसभापतिले आफूसंगबाट सांसद बनाउन पैसा लिएको बताएका थिए । स्रोतका अनुसार ढकाल र अर्यालले दबाव दिएपछि उनी बोलेको समाचार सार्वजनिक भएको ४ दिनपछि मात्र श्रेष्ठले आफू नबोलेको अभिव्यक्ति दिएका हुन् ।
रास्वपामा सामानुपातिक सांसद र मन्त्री बनाउन पार्टीको कोर टिमले रकम लिएको भन्ने आरोप लाग्दै आएको छ ।