काठमाडौं १० जेठ । नक्कली शरणार्थी प्रकरणमा जिल्ला सरकारी वकिल कार्यालय काठमाडौंले जिल्ला अदालतमा मुद्दा दर्ता गरेको छ । पक्राउ परेका १६ जना र बाँकी फरार रहेका १४ जनागरी कुल ३० जनालाई प्रतिवादी कायमगरी बुधवार अबेर अभियोगपत्र दर्ता गरिएको हो ।
पक्राउ परेकाहरूलाई ठगी, संगठित अपराध, राज्यविरुद्धको अपराध, सरकारी कीर्ते र एकिकृत कसुर सहित ५ किसिमको अभियोग लगाइएको छ । उनीहरू विरुद्ध २७ करोड ८१ लाख विगोसहित मुद्दा दर्ता गरिएको जिल्ला सरकारी वकिल कार्यालय काठमाडौंका प्रवक्ता लक्ष्मण उपाध्यायले जानकारी दिए ।
नेपाली नागरिकलाई नक्कली भुटानी शरणार्थी बनाएर अमेरिका पठाइदिने भन्दै गिरोहले रकम असुल गरेका थिए ।
प्रकरणमा जोडिएका पूर्वमन्त्री, प्रशासक र विचौलियागरी १६ जना पक्राउ छन् भने बाँकी फरार छन् ।
प्रतिक्रिया दिनुहोस्