काठमाडौँ, ९ जेठ । स्वीट्जरल्यान्ड पठाइदिन्छु भनी ७ लाख रकम ठगी गरेको आरोपमा प्रहरीले एक जनालाई पक्राउ गरेको छ ।
पक्राउ पर्नेमा काभ्रेपलाञ्चोकको बनेपा नगरपालिका–४ स्थायी घर भई हाल बाँके कोहलपुर नगरपालिका–११ दशबिघा बस्दै आएकी ४६ वर्षीया पार्वती थापा रहेकी छन् ।
काठमाडौँ उपत्यका अपराध अनुसन्धान कार्यालयको विशेष टोलीले उनलाई गोंगबुबाट पक्राउ गरेको हो ।
पक्राउ परेका उनलाई थप अनुसन्धान तथा कारबाहीका लागि वैदेशिक रोजगार विभाग बुद्धनगरमा पठाइएको अपराध अनुसन्धान कार्यालयका प्रवक्ता एवम् प्रहरी उपरीक्षक रविन्द्र रेग्मीले बताए ।
उनले तुलाराम तारम मगरलाई वैदेशिक रोजगारीका लागि स्वीट्जरल्यान्ड पठाइदिन्छु भन्दै पटक–पटक गरी ७ लाख रूपैयाँ लिई सम्पर्कविहीन भएको प्रहरीको आरोप छ ।
प्रतिक्रिया दिनुहोस्