काठमाडौँ ५ जेठ । कानुन, न्याय तथा मानव अधिकार समितिले संक्रमणकालीन न्यायसँग सम्बन्धित विधेयकमाथि छलफल गर्न ११ सदस्यीय उपसमिति गठन गरेको छ । शुक्रबार सिंहदरबारमा बसेको बैठकले ११ सदस्यीय उपसमिति गठन गरेको हो ।

उपसमितिमा एमालेका सुवासचन्द्र नेम्वाङ,महेशकुमार बर्तौला, नेकाका रमेश लेखक, जीवन परियार र सुशीला थिङ, रास्वपाका सन्तोष परियार, माओवादीका गोमा लाभ सापकोटा, पूर्णबहादुर घर्ती, लोसपाकी रञ्जुकुमारी झा, राप्रपाका ध्रुवबहादुर प्रधान, एसका शेरबहादुर कुँवर रहेको समिति गठन गरेको छ ।

उपसमितिले बेपत्ता पारिएका व्यक्तिको छानबिन सत्य निरुपण तथा मेलमिलाप आयोग ऐन, २०७१ लाई संशोधन गर्न बनेको विधेयकका सम्बन्धमा संशोधन कर्ता तथा सरोकारवालाहरुसँग छलफल गरी दफावार छलफल समेत गरेर उपसमितिले काज प्रारम्भ गरेको तीन साताभित्र समितिसमक्ष प्रतिवेदन पेस गर्नुपर्नेछ ।

‘बेपत्ता पारिएका व्यक्तिको छानबिन सत्य निरुपण तथा मेलमिलाप आयोग ऐन, २०७१ लाई संशोधन गर्न बनेको विधेयकका सम्बन्धमा संशोधनकर्ता तथा सरोकारवालाहरुसँग छलफल गरी दफावार छलफल समेत गरेर उपसमितिले काज प्रारम्भ गरेको तीन साताभित्र समिति समक्ष प्रतिवेदन पेस गर्नेछ,ु उनले भने । जेष्ठ सदस्य मंगलकुमार गुप्ताले उपसमितिले आफ्नो संयोजक आफैं चयन गर्न सक्ने र आफ्नो कार्यविधि आफैं निर्णय गर्नसक्ने बताए ।