काठमाडैं, १८ माघ ।आज बाम एकता संयोजन समितिको बैठक बस्दै छ । पार्टी एकता संयोजन समितिको बैठक सिंहदरबारमा हुने भनिएकोमा विशेष कारणवश एमाले अध्यक्ष निवास बालकोटमा तीन बजे बस्न लागेको नेकपा एमाले र नेकपा माओवादी केन्द्रको संयोजन समितिको बैठकमा कार्यदलले प्रतिवेदन पेश गर्ने कार्यदलका संयोजक एंव एमाले नेता सुवासचन्द्र नेम्वाङले जानकारी दिनुभयो । आज वस्ने बैठकमा बामगठबन्धनको कार्यदलले प्रदेश सरकार गठनका विषयमा जुटाएको सहमति वाम एकता संयोजन समितिको बैठकमा पेश गर्दैछ ।

बैठकले सो प्रतिवेदन अनुमोदन गर्ने बताइएको छ । अनुमोदन गरेपछि यसले औपचारिकता पाउनेछ । जहा एमालेले ४ र माओवादी केन्द्रले दुई मुख्यमन्त्री पाउने, ४ र ५ नम्वर प्रदेशको सभामुख माओवादी केन्द्र र बाकी चारको एमालेले पाउने, प्रदेश सरकारमा मन्त्रीको सहभागिता ७० र ३० प्रतिशत गर्ने लगायतका सहमति छन् ।

एमाले महासचिव इश्वर पोखरेलका अनुसार पार्टी एकताको नेतृत्व, संरचना र सिद्धान्तबारे पनि आजको बैठकमा छलफल हुने छ। छलफल सकारात्मक रुपमा अघि बढे पूर्व घोषणा अनुसार कार्यदल गठन पनि हुनसक्ने बताउदै उहाले जसले बैचारिक र सांगठनिक खाका तयार गर्ने जिम्मेवारी पाउने जानकारी दिनुभयो । माओवादी केन्द्रका नेता नारायणकाजी श्रेष्ठले एकताको प्रयास तीव्र पारिएको र यसले सार्थकता पाउने विश्वास व्यक्त गर्नुभयो