बैशाख ३० , काठमाडौँ । नेकपा एमालेले संघीयतासँग जोडेर पार्टीको केन्द्रीय कमिटी बैठकमा कुनै छलफल नभएको बताएको छ। पार्टी केन्द्रीय कार्यालय च्यासलमा बसेको केन्द्रीय कमिटीको बैठकका निर्णय सुनाउँदै प्रचार विभाग उपप्रमुख विष्णु रिजालले संघीयताबारे बजारमा उठेका हल्लालाई अध्यक्ष केपी शर्मा ओलीले खारेज गरिदिएको बताए।

‘कतिपय बजारमा उठेका हल्लाहरुलाई अध्यक्ष कमरेडले खारेज गर्नुभएको छ। नेकपा एमालेको केन्द्रीय कमिटी बैठकमा संघीयताका बारेमा बहस सुरु भयो। अब नेकपा एमालेले संघीयता नमान्ने भयो भन्ने जस्ता हल्लालाई अध्यक्ष कमरेडले सम्पूर्ण रुपमा खारेज गर्नुभयो,’ रिजालले सञ्चारकर्मीसँग भने।

साथै, उनले अहिले पार्टीको बैठक निश्चित एजेण्डाका आधारमा अघि बढेको बताए।

‘हाम्रो पार्टीको बैठक निश्चित एजेण्डाको आधारमा अघि बढेको छ। संघीयता अहिले हाम्रो छलफलको विषय पनि होइन,’ उनले भने, ‘कुनै साथिहरूले व्यक्तिगत ढंगले कुरा गर्दा राखिएको कुरालाई पार्टीको आधिकारिक निर्णय जसरी प्रचार हुनु पार्टीको विधिको हिसाबले पनि गलत छ, अध्यक्षले त्यसलाई खारेज गर्नुभएको छ छ
बैठकमा पोलिटव्युरो सदस्य तथा अध्यक्ष केपी ओलीका खास मान्छे महेश बस्नेत र गोकुल बास्कोटाले संघीयता खारेज गर्नु पर्ने मत राखेका थिए ।