भियतनाम, १६ माघ । भियतनाममा ३५ हजार भन्दा बढी स्मार्ट फोनहरू घोस्टटिम भाइरसबाट संक्रमित भएका छन् । जसलाई फेसबुक खाताहरूको पासवर्ड चोरी गर्न डिजाइन गरिएको छ।

आइतबार भियतनामको प्रमुख कम्प्यूटर सुरक्षा फर्म विकेएभिले जनाए अनुसार भियतनाममा भाईरसलाई लोकप्रिय गुगल प्ले एमलिकेशनबाट प्रयोगकर्ता माझ फैलाईएको हो ।

ह्याकरहरुले लोकप्रिय एपहरु जस्तै क्यालेन्डर, फ्ल्यास लाईट र कम्पास लगाएका एपहरुको सहारा लिएका छन् । प्रयोगकर्ताहरूले सो एपहरु डाउनलोड गर्दा मोबाईलको प्रोसेसिङ ढिलो भएको लगायतका अर्लटहरु डिस्प्ले गर्ने गर्दछ र प्रयोगकर्तालाई सेटिङ मिलाउन निर्देशन दिने गर्दछ ।

यदि प्रयोगकर्ताले उक्त निर्देशन पालना गरे सो भाइरस प्रयोतकर्ताको फोनमा स्थापित हुनेछ र ह्याकरले फेसबुक खाताको पासवर्डहरू चोर्ने गर्दछन् ।

भियतनाममा बढ्दो मोबाईल अनलाईन सस्क्रिपसनलाई मध्यनजर गर्दै सूचना तथा संञ्चार मन्त्रालयले प्रि पेड सस्क्रिसनमाथि कडाई गरेको छ, जसबाट सन् २०१७ मा अनलाईन सस्क्रिपसन प्रयोगकर्ताको संङख्या घट्ने अनुमान लगाईएको छ ।