काठमाडौं, १३ माघ । माघ ४ गते काठमाडौ डिल्लीबजार कारागारबाट भागेका कैदी टिके भनिने रामेछाप दोरम्भा –३ बस्ने अन्दाजी वर्ष ३० को टिकाबहादुर थापा मगर माथि प्रहरीले गोली हानेको छ ।
टिके र प्रहरी टोलीबीच चितवनको रामनगरस्थित पेट्रोल पम्प अगाडि गोली हानाहान भएको हो । पक्राउ गर्न गएको महानगरीय अपराध महाशाखाको टोली र जिल्ला प्रहरी कार्यालय चितवनको प्रहरीले चेकजाँच गरेको समयमा ना ४७ प ५०५२ नम्वरको मोटरसाईकलमा आएका २ जनाले प्रहरी टोलीमाथि गोली चलाएपछि जवाफी फायरिङ गरेको एसएसपी दिवेश लोहनीले बताए ।
चितवन प्रहरी प्रमुख दिपक थापाका अनुसार उनलाई दुई गोली लागेको छ । हात र तिघ्रामा गोली लागेका उनको भरतपुर अस्पतालमा उपचार भइरहेको छ । थापा काठमाडौंमा चोरी, लुटपाट र डकैटी सम्बन्धी घट्नामा पटकपटक पक्राउ पर्ने गरेका व्यक्ति हुन ।
प्रतिक्रिया दिनुहोस्