काठमाडौँ, २९ माघ । सत्तारूढ गठबन्धनको उच्चस्तरीय राजनीतिक संयन्त्रको बैठक प्रधानमन्त्री निवास बालुवाटारमा जारी छ ।
बैठकमा प्रधानमन्त्री पुष्पकमल दाहाल ‘प्रचण्ड’, नेकपा (एमाले)का अध्यक्ष केपी शर्मा ओली, राष्ट्रिय स्वतन्त्र पार्टीका अध्यक्ष रवि लामिछाने र राष्ट्रिय प्रजातन्त्र पार्टीका अध्यक्ष राजेन्द्र लिङ्देन सहभागी छन् ।
सरकारमा भएर पनि सिके राउत नेतृत्वको जनमत पार्टी, नागरिक उन्मुक्ति पार्टी तथा सत्तारूढ गठबन्धनमा रहेका जनता समाजवादी पार्टी नेपाल भने बैठकमा अनुपस्थित रहेका छन् । यसअघिको बैठकमा पनि यी दलहरू अनुपस्थित रहेका थिए ।
आजको बैठकमा आसन्न राष्ट्रपति तथा उपराष्ट्रपति निर्वाचनलगायतको विषयमा छलफल हुने बताइएको छ । राष्ट्रपतिको विषयमा दलहरूबीच विवाद रहेको छ ।
प्रतिक्रिया दिनुहोस्