काठमाडौं । निर्वाचनमा आफूलाई टिकट नदिएको भन्दै असन्तुष्ट बनेका माओवादी केन्द्रका उपमहासचिव हरिबोल गजुरेल प्रधानमन्त्री पुष्पकमल दाहाल प्रचण्डको प्रमुख राजनीतिक सल्लाहकारमा नियुक्त भएका छन् ।
सक्रिय राजनीतिमै रहने भन्दै गजुरेलले उपराष्टपति हुन गरिएको आग्रह अस्वीकार गरेका थिए । उनले आफूलाई प्रधानमन्त्री प्रचण्डले प्रमुख राजनीतिक सल्लाहकारमा नियुक्त गरेको बताएका छन् ।
यसअघि प्रधानमन्त्री प्रचण्डले सचिवालयमा ७ जना कर्मचारी नियुक्त गरिसकेका छन्।
अब प्रधानमन्त्रीको कुटनीतिक सल्लाहकार, जनसम्पर्क विज्ञ र आइटी विज्ञलगायत क्षेत्रमा नियुक्त गर्न बाँकी छ।
गजुरेल सिन्धुलीका हुन्। गत मंसिरमा भएको चुनावमा उनले पार्टीबाट टिकट पाएका थिएनन्।
प्रतिक्रिया दिनुहोस्