काठमाडौं,११ माघ । नेकपा एमालेका अध्यक्ष केपी शर्मा ओलीले शेरबहादुर देउवा नेतृत्वको कामचलाउ सरकारको गलत काम गरेको भन्दै ११ आरोप लगाएका छन् ।
स्वेच्छिक अवकाशदेखि सशस्त्र प्रहरीमा दरबन्दी नै नरहेको अवस्थामा गरिएको बढुवा र कर्मचारी समायोजसम्मको कार्यको एमालेले विरोध गरेको हो।

नयाँ निर्वाचन सम्पन्न भएपछि जनआधार गुमाइसके पनि सरकार आर्थिक अराजकता र राज्यको ढुकुटी रित्याउने कार्यमा उद्यत रहेको अध्यक्ष केपी शर्मा ओलीद्वारा हस्ताक्षरित विज्ञप्तिमा उल्लेख छ।

भूकम्पपीडित र बाढीपीडितका लागि राहतको नाममा ९० अर्ब रुपैयाँको भार थप्ने कार्य सदाशययुक्त नभएको एमालेको लगाएका छन् । ठूला आयोजनाहरुको खर्च बढाउन सरकारले सीमित ठेकेदारहरुको सिन्डिकेट चलाएको पनि उसले आरोप लगाएको छ।
वृद्धभत्ता ६५ वर्षमै दिने र कर्मचारी समायोजन गर्ने भनी सरकारले राज्यलाई झन आर्थिक भार थोपरेको एमालेले आरोप लगाएको छ।