काठमाडौं ६ माघ । राष्ट्रिय स्वतन्त्र पार्टी भित्र उपसभामुखका लागि सोविता गौतम उमेद्वार हुने भन्ने चर्चा चले पनि उनेको काउन्टरमा झापाकी इन्दिरा रानामागरलाई अघि सरिएको छ ।
सत्ता साझेदार दलहरूको भागबण्डामा रास्वपाले उपसभामुखको पद पाएको थियो। उपसभामुख पदका लागि शुक्रबार मनोनयन दर्ता हुँदैछ। उपसभामुखको उम्मेदवार चयनका लागि रास्वपाले शुक्रबार बिहान सिंहदरबारमा संसदीय दलको बैठक डाकेको छ।
रास्वपाबाट उपसभामुखमा काठमाडौंबाट निर्वाचित सांसद सोबिता गौतम र समानुपातिक तर्फबाट निर्वाचित झापाकी इन्दिरा रानामगर दाबेदारका रूपमा अघि सारेर सभापति रबि लामिछानेले सोविता गौतमलाई अघि बढाउन चाहंदैनन् भन्ने देखाएको एक सांसदले बताए ।
कानुन विषय अध्ययन गरेकी सोबिताले उपसभामुखको जिम्मेवारी पाए आफू तयार रहेको बताएकी छिन्।रास्वपाकै सांसद इन्दिरा रानामगरले भने आफ्नो दाबी नभए पनि जिम्मेवारी पाउँदा आफू निर्वाह गर्न तयार रहेको बताइन्। अहिले निर्वाचित भएका पदाधिकारीहरू समावेशी नदेखिएकाले आफ्नो उपस्थितिले समावेशिता बढाउने इन्दिराले बताइन्।
‘पार्टीमा ८ जना महिला छौं। डाक्टर तोसिमा राज्यमन्त्री बन्नुभयो। अब बाँकीमध्ये कोही उम्मेदवार हुन्छौं, इन्दिराले भनिन्, ‘मैले पार्टीमा मन्त्री बनाउनुपर्छ पनि भनेकी छैन। कुनै पद मागेकी छैन। तर साथीहरूले जिम्मेवारी तोकिएको अवस्थामा तयार रहन भनेका छन्।’
रास्वपार्टीका सभापति रवि लामिछानले कसलाई उपसभामुखको उम्मेदवार बनाउने भन्ने विषयमा मुख नखोले पनि भित्रभित्र राना मगरतिर ससंकेत गरेको बुझिएको छ ।
‘सभामुख महिला निर्वाचित भएको भए हुन्थ्यो। तर अब पुरूष निर्वाचित भएपछि महिला उपसभामुख बन्नुपर्ने अवस्था आएको छ, इन्दिराले भनिन्, ‘पार्टीमा पनि प्राइमरी भोटमा म जनजाति महिलामा एक नम्बरमा आएकी हुँ। म सामाजिक सेवा छाडेर राजनीतिमा जनताको आवाज उठाउन आएकी हुँ। सभापति र अरू सांसदले के भन्नुहुन्छ, त्यसमा निर्भर हुन्छ।
उपसभामुख पदका लागि शुक्रबार दिउँसो १ बजेदेखि ४ बजेभित्र उम्मेदवारी दर्ताका लागि संसद सचिवालयले निर्वाचन कार्यतालिका प्रकाशित गरेको छ।
सत्तासाझेदार दलहरुको शक्ति बांडफांटमा एमाले अध्यक्ष केपी शर्मा ओलीले रास्वपालाई आफ्नै पार्टी जसरी पद दिलाईरहेका छन् । त्यसले पनि एमाले र माओवादी बीचको सम्वन्धलाई अरु बढी सशंकि त बनाइदिएको छ ।
प्रतिक्रिया दिनुहोस्