काठमाडौं २६ पुस । प्रधानमन्त्री पुष्पकमल दाहाल प्रचण्डलाई विश्वासको मत दिने निर्णय गर्दा नेपाली कांग्रेसले २८ वर्ष अगाडिको नजिर दोहोर्याएको बताए पनि उतिबेलाको अहिलेको सन्दर्भ फरक रहेको छ ।
२०५१ सालमा संयुक्त सरकार बन् नसकेपछि एमालेको तत्कालीन अल्पमतको सरकारलाई नेकाले सविश्वासको मत दिएर सरकारलाई निरन्तरता दिएको थियो ।
२०५१ मा मनमोहन प्रधानमन्त्री हुँदा दुईतिहाइ अर्थात् १९८ सांसदले विश्वासको मत दिएका थिए।
२०५१ मा मनमोहनलाई दुईतिहाइ दिँदा कांग्रे सभापतिमा गिरिजाप्रसाद कोइराला थिए। अहिले प्रचण्डलाई समर्थन गर्दा सभापतिमा शेरबहादुर देउवा छन्।
कांग्रेस कार्य सम्पादन समितिको मंगलबार संसद भवनमा बसेको बैठकले प्रचण्ड नेतृत्वको सरकारलाई समर्थन दिने र प्रतिपक्षमा बस्ने नेका सभापति शेरबहादुर देउवाले संसदमा घोषणा गरे ।
देउवाको नेकाका निर्णयमा दुई महामन्त्री गगन थापा र विश्वप्रकाश शर्मा तथा केन्द्रीय सदस्यहरु अर्जुननरसिंह केसी र बलबहादुर केसीले असहमति जनाएका छन्।
उतिबेला नकाले एमलो अध्यक्ष मनमोहन अधिकारीलाई विश्वाकसो मत दिएको थियो भने अहिलेकेही समय अघिसम्म नेकाकै गठबन्धनमा रहेका पुष्पकमल दाहाल प्रचण्ड छन् । प्रचण्डसंग एमाले सहितका बहुमत सांसदको समर्थन पहिल्यै रहेको छ । यस पटक नेकाले दिने विश्वासको मतले सरकार ढल्ने र बच्ने हुने अवस्था छैन ।
२०४८ सालको आम चुनावमा बहुमत ल्याएको कांग्रेसले पार्टीभित्र आन्तरिक विवाद चुलिएपछि तीन वर्षमै संसद विघटन गरेर मध्यावधि चुनाव घोषणा गरेको थियो।
मध्यावधि निर्वाचनमा एमालेले ८८ सिट जितेर पहिलो दल बन्ने मौका पायो। कांग्रेसले ८३ सिट जितेको थियो।
दोसैो संघीय निर्वाचन पछिको सरकार गठनको अवस्थामा एमालेसहित ७ दल र तीन स्वतन्त्र गरी १६९ सांसदको समर्थन लिएर १० पुसमा प्रधानमन्त्री बनेका माओवादी अध्यक्ष प्रचण्डले कांग्रेस, लोकतान्त्रिक समाजवादी पार्टी (लोसपा) सहितका दलबाट विश्वासको मत पाउन सफल भए।
४ मंसिरको चुनावमा कांग्रेसले ८९ सिट जितेको नेका भने सकारलाई समर्थन गरेर प्रतिपक्षमा हुत्तिएको छ । प्रमुख प्रतिपक्षको विश्वासको मत पाएपछि प्रचण्ड लोकप्रिय प्रधानमन्त्री बन्न सफल भएका छन् ।
चुनावमा ७ दल मात्र राष्ट्रिय पार्टी बन्न सफल हुँदा पहिलो पटक चुनाव लडेको राष्ट्रिय स्वतन्त्र पार्टी २० सांसद जिताउन सफल भएको छ ।
प्रत्यक्ष १६५ र समानुपातिक ११० गरी प्रतिनिधि सभामा २७५ सांसद छन्।
पछिल्लो चुनावमा १२ राजनीतिक दलबाट २७२ र तीन स्वतन्त्र सांसद निर्वाचित भए।
प्रतिक्रिया दिनुहोस्