काठमाडौँ : प्रधानमन्त्री पुष्पकमल दाहाल प्रचण्डले सार्वजनिक सेवा सुधार गर्ने प्रतिबद्धता जनाएका छन् । मंगलबार प्रतिनिधिसभा बैठकमा विश्वास मतका लागि प्रस्ताव प्रस्तुत गर्दै प्रधानमन्त्री दाहालले विभिन्न सरकारी निकायमा देखिएका बेथिति र ढिलासुस्तीमा सुधार गर्ने प्रतिबद्धता जनाएका हुन् ।

विभिन्न सेवा लिन लामा लाइन लाग्ने गरेको उल्लेख गर्दै हरेक नागरिकले सरकार आफ्नो अभिभावक महसुस हुनेगरी काम गर्ने बताए । उनले भने, ुसरकार मालिक होइन, जनताको सेवक बन्नुपर्छ । सरकारहरू फेरिररहने तर जनताको जीवनस्तर नफेरिने चित्र अब बदल्नु छ । सरकार अब सुनिने, देखिने,जनताले अनुभव गर्ने सेवक बन्नु छ ।

प्रदेश र संघमा आवश्यक कर्मचारी थप्ने उल्लेख गर्दै प्रधानमन्त्री दाहालले यातायात व्यवस्था सेवा, सामुदायिक विद्यालय, सरकारी अस्पतालमा देखिएका समस्या तत्काल समाधान गर्ने बताए ।
प्रचण्डले आफू केवल फोटो झुन्ड्याउन मात्र प्रधानमन्त्री नभएको बताएका छन्। संसदमा विश्वासको मत माग्दै प्रधानमन्त्री प्रचण्डले भन् पहिलोपटक प्रधानमन्त्री हुँदा केही अलमल र पार्टीसिभत्रको संघर्षले जनताको आशा पूरा हुन नपाएको हो ।

प्रचण्डले आफू दुईपटक प्रधानमन्त्री हुँदा ९–९ महिनाको कार्यकाल हुँदा धेरै कुरा सिकेको बताए ।

“पहिलो पटक प्रधानमन्त्री हुदा न मसँग अनुभव थियो । न टिम थियो, विभाजित मनोदशा र पार्टीभित्रकै संघर्षमा म बढी रुमलिएँ । सिक्दासिक्दै भित्र र बाहिरका घेराबन्दीसँग जुद्धाजुद्धै एउटा अप्रिय अवस्थाबाट मैले राजीनामा दिनुपर्ने अवस्था आयो,” उनले भने ।

त्यस्तै दोस्रो कार्यकालमा मधेशलाई संविधान कार्यान्वयमा विश्वास लिने प्रयास गरेको बताए ।

“दोस्रो कार्यकाल वैदेशिक सम्बन्धमा ठूलो उतारचढाब आएको बेला सुरु भयो । मधेश आन्दोलनमै थियो । संविधानको सफल कार्यन्यवनमा धेरै विश्वास जागिसकेको थिएन । संविधान संशोधनको प्रयासबाट मैले मधेशलाई विश्वासमा लिने कोशिष गरेँ,” उनले भने ।

प्रधानमन्त्रीले दोस्रो कार्यकालमा मूल्य वृद्धि नियन्त्रमा राखिएको, लोडसेडिङ अन्त्य भएको बताए । छोटो कार्यकाल सफल रहेको समेत बताए ।