सुर्खेत १३ पुस । नेकपा एमाले कर्णाली प्रदेश संसदीय दलको नेतमा यामलाल कँडेल स चयन भएका छन्। बुधबार बसेको नेकपा एमाले कर्णाली प्रदेशको बैठकले कँडेललाई दलको नेतामा सर्वसम्मत चयन गरेको हो।

कँडेल सुर्खेत निर्वाचन क्षेत्र नम्बर–२ प्रदेश सभा (१)बाट निर्वाचित भएका थिए। कँडेल २०७४ को निर्वाचनमा पनि प्रदेश सभामा निर्वाचित भएका थिए।

कँडेल नेकपा एमाले स्थायी कमिटी सदस्य तथा कर्णाली प्रदेश इन्चार्ज समेत हुन्। कँडेल २०५४सालमा एमाले विभाजन हुँदा वामदेव गौतमको माले तिर लागेका थिए । ०७४ को निर्वाचन पछि मुख्यमन्त्री हुने लोभमा ओली क्याम्पमा लागेका थिए ।

अघिल्लो पटक कर्णाली प्रदेशको मुख्यमन्त्री हुनका लागि विभिन्न रणनीति खेलेपनि मुख्यमन्त्री हुन असफल भएका थिए। पुनः मुख्यमन्त्रीका लागि यसपटक कँडेल प्रदेश सभामा दोहोरिएका हुन्।

माओवादीले पनि रुकुमपश्चिमका राजकुमार शर्मालाई मंगलबार र बुधबार बसेको बैठकलृे दलको नेतामा सर्वसम्मत चयन गरेको।

अब केन्द्रमा जस्तै कर्णालीमा एमालेरमाओवादीबीच पहिला कसले सरकारको नेतृत्व गर्ने भन्ने विषयमा रस्साकस्सी सुरु भएको छ।

यस्तै, एमाले संसदीय दलको नेतामा एमाले कर्णाली प्रदेश अध्यक्ष तथा दैलेख निर्वाचन क्षेत्र नम्बर–२ प्रदेश सभा (२) बाट निर्वाचित सांसद विनोदकुमार शाहको पनि दाबी थियो।