काठमाडौं १० पुस । नेकपा एमाले र माओवादी केन्द्रबीच प्रमुख पद बाँडफाँटबारे सैद्धान्तिक सहमति गरेका छन् ।
नेपाली कांग्रेस नेतृत्वको गठबन्धन छाडेसँगै पुष्पकमल दाहाल प्रचण्डको नेतृत्वमा सरकार बन्ने भएको छ । एमाले अध्यक्ष केपी शर्मा ओलीको निवास बालकोटमा भएको वार्तामा प्रमुख दल बाँडफाँटबारे समेत सैद्धान्तिक सहमति जुटेको एमालेका एक पदाधिकारीले बताए ।
स्रोतका अनुसार शुरुमै एमालेले राष्ट्रपति लिनेछ । प्रधानमन्त्री र सभामुखमा आलोपालोको सहमति भअनुसार प्रचण्ड प्रधानमन्त्री हुने भएकाले एमालेले सभामुख पनि लिनेछ । जब एमालेले प्रधानमन्त्री लिनेछ, त्यतिबेला सभामुख माओवादीले लिने सहमति भएको छ ।
एमाले, माओवादी मिलेसँगै ५ प्रदेशमा पनि उनीहरुको सरकार बन्नेछ । जनमत पार्टी र नागरिक उन्मुक्ति जसपा थपिँदा सातै प्रदेशसमा वाम नेतृत्वको गठबन्धनको सरकार बन्नेछ । केन्द्र र प्रदेश सरकारका मन्त्री र मुख्यमन्त्री लगायतका पद बाँडफाँटमा भोलि टुंगो लगाउने सहमति भएको वार्तामा सहभागी ती पदाधिकारीले बताए ।
सम्वन्धित समाचार
बालकोट बैठक : प्रचण्डको नेतृत्वमा सरकार बनाउने सहमति, १६६ सांसदको समर्थन रहेको दावी
प्रतिक्रिया दिनुहोस्