काठमाडौं । नेपाली कांग्रेसका महामन्त्री गगन थापाले पार्टीको आगामी १५औँ महाधिवेशनमा डा. शेखर कोइरालालाई सभापतिको उमेदवार प्रस्ताव गर्ने घोषणा गरेका छन् ।
संसदीय दलको नेतामा डा. शेखरले महामन्त्री थापालाई उमेदवार प्रस्ताव गर्ने सहमतिपछि थापाले शेखरलाई अर्को महाधिवेशनमा पनि सभापतिको उमेद्वारका रुपमा सघाउने घोषणा गरेका हुन् । बसेरा होटेलमा जारी संस्थापनइतर पक्षको भेलालाई सम्बोधन गर्दै महामन्त्री थापाले सदल नेता बनाउन शेखर दाजुले लगाएको गुन तिर्न मैले विर्सने छैन भन्ने घोषणा गरेका हुन् ।

“१५औँ महाधिवेशनमा सभापतिको उमेदवार प्रस्ताव गर्छु भनेर गगन थापाले भने ।
यस अघि कोइराला आफै दल नेताका रुपमा उमेद्वारी दिने पक्षमा थिए । संसस्थापन पक्षले भने पार्टी सभापछि शेरबहादुर देउवालाई नै अघि सारिसकेको छ । थापाको पक्षमा उपसभापति धनराज गुरुंग, महामन्त्री द्धय थापा र विश्वप्रकाश शर्मा तथा बरिष्ठ नेता शेखर कोइराला, जीवन परियार, चन्द्र भण्डारी, दिपक गिरि, लगायतका नेता उभिएका छन् भने देउवाको पक्षमा उपसभापति पूर्णबहादुर खड्का, विमलेन्द्र निधि, प्रकाशमान सिंह, शशांक कोइराला लगायतका नेता उभिएका छन् । संसदीय दलमा देउवाले सहजै जित्ने सस्थापन पक्षले दावी गर्दै आएको छ ।