लमजुङ, २५ कात्तिक । आगामी मङ्सिर ४ गते हुन लागेको प्रतिनिधिसभा सदस्य निर्वाचनमा गण्डकी प्रदेशका निर्वतमान मुख्यमन्त्री पृथ्वीसुब्बा गुरुङ र सङ्घका पूर्वमन्त्री देवप्रसाद गुरुङबीच मुख्य प्रतिस्पर्धा हुने भएको छ । लमजुङ प्रतिनिधिसभा सदस्य पदका लागि नेकपा ९एमाले० का तर्फबाट पृथ्वीसुब्बा र गठबन्धनका साझा उम्मदेवार नेकपा ९माओवादी केन्द्र० का देवप्रसादबीच मुख्य प्रतिस्पर्धा हुन लागेको हो ।
एमालेका उपमहासचिवसमेत रहनुभएका पृथ्वीसुब्बा र माओवादी केन्द्रका महासचिव रहनुभएका देवप्रसादबीच अर्थात् यी दुई कम्युनिष्ट नेताबीच पहिलोपटक मुख्य प्रतिस्पर्धा हुने भएको हो । यसअघिसँगै मिलेर चुनावमा होमिएका दुई नेताबीच नै यस चुनावमा मुख्य प्रतिस्पर्धा हुन लागेपछि चुनाव थप रोचक बन्दै गएको छ ।
तत्कालीन गिलुङ गाविस–८, टक्सार हाल क्व्होलासोथर गाउँपालिका–९ घर रहेको एमालेका उम्मेदवार गुरुङ यसअघि लमजुङबाट प्रदेशसभामा ‘२’ बाट आठ हजार चार सय एक मतान्तरले विजयी हुनुभएको थियो । गुरुङले २३ हजार एक सय ८८ मत प्राप्त गर्दा प्रतिस्पर्धी कांग्रेसका उम्मेदवार कृष्ण कोइरालाले १५ हजार एक सय २२ मत प्राप्त गर्नुभएको थियो । यसअघिको निर्वाचनमा लमजुङ प्रदेश ९२० मा ६० हजार पाँच सय ५२ मतदाता रहेकामा ४० हजार तीन सय २५ मत खसेको थियो । नेता गुरुङले विसंं २०४८ यताका प्रत्येक संसदीय निर्वाचनमा सहभागी जनाउँदै आउनुभएको छ ।
उहाँ पहिलो संविधानसभा र विसं २०७४ को प्रदेशसभा ‘२’ बाट गरी दुईपटक निर्वाचित हुनुभएको छ । उहाँको यो पटक सातौँ यात्रा हो । उहाँ पर्यटनमन्त्री तथा गण्डकी प्रदेशको मुख्यमन्त्री बनिसक्नुभएको छ । विसं २०४८, विसं २०५१, विसं २०५६ र विसंं २०७० को निर्वाचनमा उहाँ पराजित हुनुभएको थियो । विसं २०६४ मा विजयी हुँदा त्यतिबेला संस्कृति तथा पर्यटनमन्त्री हुनुभएको थियो ।
हुन त गुरुङ विसं २०४३ मा समेत पञ्चायती व्यवस्थामा पनि तत्कालीन नेकपा मालेका तर्फबाट जनपक्षीय उम्मेदवारका रूपमा निर्वाचनमा होमिनुभएको थियो । सो बेलामा उहाँ कारागारबाटै उम्मेदवार बन्नुभएको थियो ।
त्यस्तै तत्कालीन मनाङको नासों गाउँपालिका–४, ओडारगाउँ घर भई पछिल्लो समय लमजुङ केन्द्रित राजनीति गर्दै आउनुभएका देवप्रसाद यसअघि भारी मतले विजयी हुनुभएको थियो । उहाँले लमजुङमा वाम गठबन्धनबाट विसं २०७४ मा प्रतिनिधिसभा निर्वाचनमा नेपाली कांग्रेसका दिलबहादुर घर्तीलाई हराउनुभएको थियो । सो बेलामा प्रतिनिधिसभामा कूल ७७ हजार एक सय ६५ मत खसेकामा ३९ हजार चार सय ६८ मत प्राप्त गर्दै विजयी हुनुभएको थियो भने उहाँका प्रतिद्वन्द्वी नेपाली कांग्रेसका उम्मेदवार दिलबहादुर घर्तीले ३१ हजार ६७ मत प्राप्त गर्नुभएको थियो । गुरुङले आठ हजार चार सय एक मतको फराकिलो अन्तरले जित हासिल गर्नुभएको थियो ।
लमजुङ क्षेत्र नं १ ९हाल प्रदेश १० बाट विसं २०४८ को निर्वाचनमा ‘एक वाम–एक ठाम’ नारा लिएर तत्कालीन जनमोर्चाबाट चुनाव उठ्नुभएका उहाँ त्यतिबेला कांग्रेसका रामचन्द्र अधिकारीसँग पराजित हुनुभएको थियो । तत्कालीन माओवादीका तर्फबाट विसं २०६४ को संविधानसभा निर्वाचनमा मनाङ र कास्की १ बाट चुनाव उठेर दुवै क्षेत्रबाट जित्न सफल हुनुभयो । यसअघि उहाँले मोहन वैद्य किरणलाई साथ दिँदै आउनुभएको थियो । विसं २०६९ मा वैद्यतिर लागेर चुनाव बहिष्कारमा जानुभएका उहाँ पुनः माओवादी केन्द्रमा फर्किनुभएको थियो । विधायिका संसद् र संविधानसभाको पहिलो निर्वाचनबाट उहाँ दुईपटक मन्त्री भइसक्नुभएको छ ।
यसअघिको निर्वाचनमा माओवादी केन्द्र र एमालेबीच चुनावी तालमेल रहेको थियो । तर यसपटक भने माओवादी केन्द्रका उम्मेदवार गुरुङ भने नेपाली कांग्रेससहितको पाँच गठबन्धनबाट उम्मेदवार रहनुभएको छ ।
यता जिल्लामा एमाले एक्लै गठबन्धनलगायतका उम्मेदवारसँग प्रतिस्पर्धा गर्न लागेको छ । एक प्रतिनिधिसभा र दुई प्रदेशसभा सदस्य निर्वाचन क्षेत्र रहेको यहाँ यसअघि प्रतिनिधिसभामा माओवादी नेता गुरुङ र प्रदेश ९२० मा एमालेका नेता गुरुङसहित प्रदेश ९१० मा एमालेकै धनञ्जय दवाडी विजयी हुनुभएको थियो ।
यसअघिको निर्वाचनमा लमजुङमा कूल एक लाख १५ हजार चार सय ४९ मत रहेकामा ७७ हजार एक सय ६५ हजार मत खसेको थियो । त्यसमा दुई हजार पाँच सय ८५ मत बदर भएको थियो ।
त्यस्तै प्रदेश ९१० मा कूल ५४ हजार आठ सय ९७ मत रहेकामा ३६ हजार आठ सय ७१ मत खसेको थियो । त्यसमा एक हजार चार सय ७४ मत बदर भएको थियो ।
त्यस्तै, प्रदेश ९२० मा ६० हजार पाँच सय ५२ मतदाता रहेकामा ४० हजार तीन सय २५ मत खसेको थियो । त्यसमा आठ सय ७८ मत बदर भएको छ । जिल्लामा कूल चार हजार नौ सय ३७ मत बदर भएको थियो ।
हाल एक लाख ३३ हजार पाँच सय ५९ मतदाता रहेका छन् । प्रदेश ९१० मा ६३ हजार पाँच सय ७५ र प्रदेश ९२० मा ६९ हजार नौ सय ८४ जना मतदाता रहेका छन् । चार नगरपालिका र चार गाउँपालिका रहेको यस जिल्लामा यसअघिको स्थानीय तह निर्वाचनमा पालिका प्रमुखहरूले पाएको मतका आधारमा एक हजार छ सय ५४ मतले गठबन्धनभन्दा एमाले अघि रहेको छ । गत स्थानीय तह निर्वाचनमा एक लाख ३१ हजार चार सय ९४ मतदाता रहेका थिए ।
प्रतिनिधिसभा सदस्य निर्वाचनमा उहाँहरूसहित राष्ट्रिय प्रजातन्त्र पार्टीका बालचन्द्र श्रेष्ठ, राष्ट्रिय प्रजातन्त्र पार्टी नेपालका टकबहादुर गुरुङ, आमूल परिवर्तन मसिहा पार्टी नेपालका नन्दजङ्ग गुरुङ, नेपाल मजदुर किसान पार्टीका राजेन्द्रप्रसाद प्रजापति, मङ्गोल नेसनल अर्गनाइजेसनका विकास गुरुङ, राष्ट्रिय स्वतन्त्र पार्टीका धर्मराज केसी र स्वतन्त्र उम्मेदवार चन्दन बस्यालले प्रतिस्पर्धा गर्दै हुनुहुन्छ ।
प्रतिक्रिया दिनुहोस्