काठमाडौं । सुर्खेतमा प्रचण्डमाथि माओवादी पूर्वलडाकुद्वारा जुत्ता प्रहारको प्रयास भएको भन्ने समाचार निराधार भएको भन्दै प्रचण्डको निजी सचिवालयले खण्डन गरेको छ ।

कात्तिक २२ गते कर्णालीका विभिन्न जिल्लामा आयोजित सभालाई सम्बोधन गर्न प्रचण्ड सुर्खेत पनि पुगेका थिए । सुर्खेतमा प्रचण्डमाथि जुत्ता प्रहारको प्रयास भएको भन्दै समाचार सार्वजनिक भएका थिए । सो समाचार भ्रामक र कपोकल्पित भएको भन्दै सचिवालयले खण्डन गरेको हो ।

सचिवालयको भनाइः

हिजो कार्तिक २२ गते कर्णाली प्रदेशका विभिन्न जिल्लाहरुमा भएका विशाल जनसहभागिता सहित सम्पन्न भएका चुनावी सभाहरुबाट अत्तालिएका जनबिरोधी, राष्ट्रघाती र परिवर्तन बिरोधि तत्वहरुको नियोजित उक्साहटमा अध्यक्ष कमरेड प्रचण्ड कर्णालीबाट फर्किनु भएपश्चात केही सञ्चार माध्यममा ञसुर्खेतमा प्रचण्डमाथि माओवादी पूर्वलडाकुद्वारा जुत्ता प्रहारको प्रयास, प्रहरीले जोगायोझ शीर्षकमा प्रकाशित समाचार प्रति सचिवालयको गम्भीर ध्यानाकर्षण भएको छ । अध्यक्ष प्रचण्ड सुर्खेतबाट काठमाडौं उडिसकेपछि फैलाइएको यसप्रकारको भ्रामक र कपोलकल्पित समाचारको घोर भर्त्सना गर्दछौं ।
त्यसैगरि केही दिन अघि पनि गोरखाको चुनावी अभियानमा ञढुंगा प्रहारझ भन्दै झुटो र कपोकल्पित समाचार प्रकाशित भएको थियो । करिब १ दशक अगाडि काठमाडौको जनप्रर्दशनको भिडियो मेन्सन गरी झुठो समाचार टिकटक लगायतका सामाजिक सन्जालमा राखिएको थियो । यसरी निर्वाचन आचार संहिता विपरित उम्मेद्वारहरुमाथि प्रतिगामी तत्वको इशारामा निरन्तर भैरहेको यसप्रकारका दुष्प्रचारको हामी सम्पुर्ण रुपले खारेज गर्दछौं ।
साथै यसप्रकारका दुस्प्रचार गर्नेमाथि कार्बाही गर्न निर्वाचन आयोग र सम्बन्धित सरोकारवाला पक्षको ध्यानाकर्षण गराउदछौं ।
– अध्यक्ष प्रचण्डको निजी सचिवालय