काठमाडौं, १५ कात्तिक । प्रमुख प्रतिपक्षी दल नेकपा (एमाले) ले आगामी निर्वाचनको घोषणापत्र आज मङ्गलबार दिउँसो १ः३० बजे सार्वजनिक गर्ने भएको छ । एमाले प्रचार विभागका उपप्रमुख विष्णु रिजालले मङ्सिर ४ गते हुने प्रतिनिधिसभा तथा प्रदेशसभा सदस्य निर्वाचनको आज घोषणापत्र सार्वजनिक हुने जानकारी दिनुभयो ।
पार्टी अध्यक्ष केपी शर्मा ओलीले काठमाडौंको एक होटलमा हुने औपचारिक कार्यक्रममा घोषणापत्र सार्वजनिक गर्नुहुने उहाँले बताउनुभयो । एमालेले समृद्व नेपाल सुखी नेपालीको नारा अघि सार्दै आएको छ । यस घोषणापत्रमा पनि सोही नारालाई मुख्यरुपमा उठाउँदै देशको विकास र समृद्धिको विषयलाई घोषणापत्रमा समेटिने सो दलले जनाएको छ । एमालेले घोषणापत्र निर्माणअघि सामाजिक सञ्जाल, टेलिफोनलगायतका सञ्चारमाध्यमबाट विभिन्न विषयवस्तुमाथि सुझाव सङ्कलन गरेको थियो ।
प्रतिक्रिया दिनुहोस्