काठमाडौँ, ९ भदौ ।  बुद्धनगरस्थित अल्फाबिटा कम्प्लेक्सको बेसमेन्टलाई डोजरले भत्काउन सुरु गरेको छ । काठमाडौं महानगरका मेयर बालेन्द्र साहकै नेतृत्वमा डोजरलाई अल्फाबिटा कम्लेक्समा प्रवेश गराइएको हो । अहिले कम्प्लेक्सका कर्मचारी र महानगरका नगरप्रहरीबीच वादविवाद भइरहेको छ ।

कर्मचारीहरुले डोजरले भत्काउन लागेपछि कर्मचारीहरु लाइन लागेर अगाडि उभिएका थिए । बालेनले भवनको विद्युत अवरुद्ध नहुने गरी भत्काउन निर्देशन दिएका छन् ।कम्प्लेक्सको भुईंतल्लामा रहेको अल्फा केयर फार्मेसीमा डोजर लगाउने तयारी गरिएको छ । भित्र रहेका अन्य संरचनाहरु पनि भत्काइने छ । बेसमेन्टको अवैध प्रयोग गरिएको भन्दै महानगरले हटाउन थालेको हो ।

अल्फाबिटाका सञ्चालकले‍ दाबी गरेजस्तो ती संरचना नक्सा पास गरेर बनाएको नपाइएपछि महानगरले भत्काउँदै छ।

बिहीबार मेयर बालेन शाहले दोस्रो पटक दिउँसो नक्सा बोकेरै उक्त संरचना भत्काउन डोजर लिएर पुगेका थिए।