काठमाडौं, ६ माघ  । माओवादी केन्द्रका अध्यक्ष पुष्पकमल दाहाल प्रचण्डले माओवादी– एमाले एकताको भएको देख्न नसक्नेहरुले विरोध गर्नुको औचित्य रहेको बताएका छन् ।

आज जनसांस्कृतिक मञ्चको कार्यक्रमलाई सम्बोधन गर्दै प्रचण्डले अब एमाले र माओवादी अलगअलग पार्टी हुनुको कुनै कारण नभएको समेत बताए । हामीले ८/१० वर्ष शान्तिपूर्ण रुपमै समाजवादको तयारी गर्ने भनेका छौं’ उनले भने, ‘उहाँहरुले पनि त्यही भन्नुभएको छ । समान राजनीतिक कार्यदिशा भएपछि अलग–अलग पार्टीको अस्तित्व राख्नु उचित हुँदैन ।’

वैचारिक विषयमा छलफल सुरु भएको भन्दै उनले अहिलेसम्म माओवादीले माओवाद र एमालेले जनताको बहुदलीय जनवाद नछाडेको बताए । उनले भने, ‘अबको वैचारिक संश्लेषण कसरी गर्ने भन्ने हामी छलफलमा छौं ।’

एमाले–माओवादी एकताबाट प्रतिक्रियावादीहरु आत्तिएको र आफ्ना केही सहकर्मीहरुले विरोध गरेको भन्दै उनले त्यसको कुनै औचित्य नभएको बताएका हुन । माओवादी अध्यक्ष प्रचण्डले भने, जनता खुसी हुँदा उहाँहरु किन निरास हुनुभयो , राजनीतिक स्थिरता, समृद्धि र समाजवाद आउँदा उहाँहरुलाई के घाटा हुन्छ , मैले बुझ्न सकेको छैन उनले भने ।