काठमाडौं । नेकपा (माओवादी केन्द्र) र नेकपा ९एकीकृत समाजवादी०बीच पार्टी एकता गर्ने तयारी सुरु भएको छ ।दुई पार्टी एकताका लागि सहमति जनाउँदै नेताहरुले पार्टी एकताका लागि संयोजन समिति बनाउने सहमतिमा पुगेका छन् ।

एकीकृत समाजवादीले पार्टी एकता समायोजन समिति बनाउने निर्णय गरेपछि माओवादी केन्द्रसँग पहिलो पटक वार्ता भएको थियो ।प्रचण्डको एक नातेदारको हात्तिवनस्थित घरमा भएको भेटमा छिट्टै पार्टी एकता संयोजन समिति बनाउने सहमति गरेका हुन् ।एक नेताका अनुसार, आगामी प्रदेश र प्रतिनिधि निर्वाचनमा एउटै चुनावी घोषणापत्र लिएर जान समेत दुवै दल सहमत भएका छन् ।

२०७४ मा वाम गठबन्धन गरेको एमाले र माओवादी केन्द्रले पनि एउटै चुनावी घोषणा पत्र बनाएका थिए । आउँदो चुनावी रणनीति, सिट बाँडफाँट, कांग्रेससँगको तालमेल, अरु दलसँगको गठबन्धनलगायत विषयमा कुराकानी भएको थियो ।