काठमाडौं, ३ भदौ ।  नेकपा एमाले नेता डा. राजन भट्टराईले देशको पछिल्लो राजनीतिक परिस्थितीबारे कुरा गर्दै एमाले नीतिमा सही भएको पुष्टि भएको बताएका छन् । आगाामी प्रतिनिधिसभा र प्रदेशसभा सदस्य निर्वाचनका लागि सत्ता गठबन्धन र एमालेबीच मुख्य प्रतिस्पर्धा हुँदैछ । डा. भट्टराई भन्छन्, आन्तरिक तयारीमा व्यस्त छौं ।

पालिका, वडा तहमा सांगठानिक सुदृढिकरण एवम् प्रशिक्षण गर्ने त्यो सँगसँगै पालिट्ब्यूरो, केन्द्रीय कमिटी बैठकको तयारीमा छौं ।” उनले यो समय नन् पोलिटिकलदेखि लामो समय पार्टीमा काम गरेकाहरु एमाले प्रवेश गर्ने क्रम बढेको बताए । एमाले छोडेकाहरु फेरी पुनः पार्टीमा फर्केकाले यसले एमालेप्रतिको आकर्षण, विकास निर्माण लगायतमा एमाले नीतिमा सही भएको महसुस एवम् पुष्टि भएको उनको भनाइ छ । एबीसी टेलिभिजनसँग कुरा गर्दै भट्टराईले एमाले आमरुपमा सुदृढ रहेको, हिजोको भन्दा राम्रो रेस्पोन्स पाइरहेको बताए । “अरु सबै गठबन्धनमा जानुपर्ने, एक्लै एमालेसँग सकिँदैन भनेर गठबन्धन बनाउनुपर्ने अवस्था छ ।

जनतालाई हामीले जुन किसिमका विचार, दृष्टिकोण र राम्रा काम स्थापित गराएर लिएर जाने हो भने समृद्ध नेपाल र सुखी नेपालीको एजेण्डा एमालेको नेतृत्वमा मात्रै सम्भव छ भन्ने जनताले बुझेका छन्”, उनले भने । विगतमा एमालेको ४० महिनाको कार्यकालको सरकार र अहिलेको सरकारबीच तुलना गर्न लागेकाले नेपाली कांग्रेसले पटक–पटक सत्ता पाउँदा वा सरकारको नेतृत्व लिदा यसले निकास दिन नसकेको उनको भनाइ छ ।

उनले भने, “अहिलेको गठबन्धन सरकार देश कसरी बनाउने, समाजलाई रुपान्तरण गर्ने र विकास र समृद्धिको बाटोतर्फ लानुपर्छ भन्ने सोचबाट बनेकै होइन । पाँचौ पटक देउवा प्रधानमन्त्री हुनुहुन्छ, बहुदलीय व्यवस्था सुरु भएदेखि नै विवादित सन्धी, सम्झौता उहाँकै पालामा भएको छ ।

त्यसो हुँदा कुनै उद्देश्य, प्राकृतिक विचार, दृष्टिकोण मिल्ने गठबन्धन नभई एमालेलाई सत्ता बाहिर पार्नका निमित्त मात्रै यो बनेको उनले बताए । यसकारण, एमाले सामु थुप्रै चुनौतीहरु भएपनि आमरुपमा सकारात्मक धारणा पाएको र पार्टीको भूमिका, नीतिगत तरिकालाई कार्यान्वयन गरेर अघि बढ्ने उनले बताएका छन् ।सत्ता गठबन्धनमा रहेका वामपन्थी दलहरु कांग्रेसको नेतृत्वमा समाजवाद आउछ भन्ने भ्रममा रहेको उल्लेख गरे । देश भित्र र बाहिर राष्ट्रिय एजेण्डालाई प्राथमिकतामा राखेर कुनै पनि मुलुकको पक्षमा छैनौं भनेर अघि बढ्नुपर्ने तर त्यसो नभएको उहाँले भन्नुभयो । “कांग्रेसको पछाडि लागेर, दक्षिणपन्थीलाई नेतृत्वमा राखेर समाजवाद आउँदैन । नाम चाहिँ वामपन्थी, काम चाहिँ दक्षिणपन्थी गरेर वामपन्थी एकता सम्भव छैन”, उहाँले भन्नुभयो ।