काठमाडौं । नेकपा (माआवादी केन्द्र(का अध्यक्ष पुष्पकमल दाहाल प्रचण्डले नयाँ समीकरणका लागि प्रयत्न भइरहेको बताएका छन् ।
सत्ता गठबन्धनमा नयाँ समीकरणको प्रयत्न भइरहेको जानकारी दिँदै उनले कतिपय पार्टीहरुमा विभाजनको खतरा रहेको समेत बताए ।
आइतबार आफ्नै निवास खुमलटारमा बसेको केन्द्रीय कार्यालयको विस्तारित बैठकमा आफूहरुलाई चुनौती र अवसर दुवै रहेको बताए ।
उनले भने, “गठबन्धनमा नयाँ समीकरण बन्ने प्रयत्न भइरहेको छ । कतिपय पार्टीहरूमा विभाजनको खतरा पनि देखिरहेको छ । यो बेलामा हामीले ठिक ढंगले भूमिका निर्वाह गर्नुपर्छ । हामीलाई अवसर र चुनौती पनि आउन सक्छ ।”
बैठकमा प्रचण्डले अहिलेसम्म गठबन्धनको विकल्प नसोचिएको र प्रतिगमनको खतरा कायम रहँदासम्म गठबन्धन कायम रहने बताएको उनले जानकारी दिए ।
प्रतिक्रिया दिनुहोस्