पोखरा । पल्टिएको ट्याङ्कर हटाएपछि पोखरा विमानस्थलमा जहाज उडान र अवतरण पुनः सुरू भएको छ ।धावनमार्गसँगै रहेको रहेको सडकमा तेल बोकेको ट्यांकर पल्टिएपछि आज बिहान विमानस्थल बन्द गरिएको थियो ।आयल निगमको डिपोबाट तेल हाल्न जाने क्रममा विमानस्थलमै ‘रिफ्युलर’ ट्यांकर पल्टिएको थियो ।विमानस्थलका सूचना अधिकारी देवराज सुवेदीले ‘पेरिमिटर रोड’ को नजिकै पल्टिएको ट्यांकर हटाइसकिएको जानकारी दिनुभयो ।विमानस्थलमा जहाजमा तेल हाल्ने ‘रिफ्युलर’ ट्यांकर पल्टिँदा विमानस्थलबाट हुने सबै उडान रोकिएको थियो । ट्यांकर उठाएर विमानस्थलमा पोखिएको तेल सफा गरेपछि उडान सञ्चालन भएको हो ।
प्रतिक्रिया दिनुहोस्