जनकपुरधाम, ६ जेठ । मधेस प्रदेशका मुख्यमन्त्री लालबाबु राउतकी श्रीमती जलेखा खातुन पराजित हुनुभएको छ । जसपाबाट खातुन पर्साको जगरनाथपुर गाउँपालिका उपाध्यक्षमा चुनाव लड्नुभएको थियो । उपाध्यक्षमा नेपाली कांग्रेसकी बविता सिंह ५,५३१ मत ल्याएर विजयी हुनुभएको छ । ३,१२३ मत ल्याएकी खातुन निकटम प्रतिस्पर्धी समेत बन्न सक्नुभएन ।

विजयी सिंहको निकटम प्रतिस्पर्धी नेकपा एमालेकी मिरादेवी कुर्मी ३,३४५ मत पाउनुभएको छ । गाउँपालिका अध्यक्षमा समेत त्यहाँ जसपाका उम्मेदवार कृष्णमोहन प्रसाद यादव पराजित हुनुभएको हो । अध्यक्षमा नेपाली कांग्रेसका श्रीकान्त यादव ५,७४९ मत ल्याएर विजयी हुनुभएको छ।
उहाकाँ निकटम प्रतिस्पर्धी नेकपा एमालेका म. सलिम मंसुर ३,९२६ मत ल्याएउनुभएको छ । जसपाका यादव मात्र ३,४४७ मतमा समेटिएका छन् ।