काठमाडौँ, ४ चैत । रुसी सेनाले रकेट किभमा आक्रमण गर्दा युक्रेनी अभिनेत्री ओक्साना श्वेत्सको मृत्यु भएको छ । थिएटरमा लामो समयदेखि काम गर्दै आईरहेकी ओक्सानाको हवाई आक्रमणमा मृत्यु भएको योंग थिएटर कम्युनिटीले फेसबुक पेजमार्फत सार्वजनिक गरेको छ ।

गत २४ फेब्रुअरीबाट सुरु भएको  युद्धमा सैनिकसँगै सर्वसाधारण पनि निशानामा पिररहेका छन् । युक्रेनीहरूले बढी संख्यामा ज्यान गुमाएका छन् । यसैबीच युक्रेनकी अभिनेत्री आक्रमणको सिकार बनेकी छिन् । उनको ६७ वर्षको उमेरमा मृत्यु भएको हो । उनी एक युक्रेनकी प्रसिद्ध अभिनेत्री थिईन् । उनको अभिनयलाई धेरैले मन पराएका थिए । उनलाई युक्रेनको सबैभन्दा सर्वश्रेष्ठ अभिनेत्रीको भनेर सम्मान गरिएको थियो । उनले इभान फ्रान्स थिएटर र कीव स्टेट इन्स्च्यिुट अफ थिएटरका आर्ट विषयमा अध्ययन गरेकी थिईन् । यस बाहेक उनले टेर्नोपिल म्युजिक एण्ड ड्रामा थिएटर र किभ थिएटर अफ सटायरमा पनि काम गरेकी थिइन् । यसअघि युक्रेनको चर्चित फिल्म निर्देशक तथा पत्रकार ब्रेन्ट रेनाउडको पनि निधन भएको थियो ।