काठमाडौँ, २२ फागुन । नेपाल बार एशोसिएसनको चैत १९ गते हुने अधिवेशनमा सत्तारुढ गठबन्धनमा रहेका तीन दलले मोर्चाबन्दी गर्ने भएका छन् ।
नेपाली कांग्रेस निकट कानुन व्यवसायी अध्यक्ष र नेकपा माओवादी केन्द्र निकट कानुन व्यवसायी महासचिव रहने गरी तीन दलले मोर्चावन्दीको निर्णय गरेका हुन् । नेकपा एकीकृत समाजवादी निकट कानुन व्यवसायीले उपाध्यक्ष पद पाउनेछन् ।
बारको २५ सदस्यीय कार्यसमितिमा अध्यक्ष र कोषाध्यक्षसहित १५ जना कांग्रेसले पाउने गरी सहमति भएको कांग्रेस निकट कानुन व्यवसायी एगराज पोखरेलले बताउनुभयाे । माओवादी केन्द्र र एकीकृत समाजवादी निकट कानुन व्यवसायीले १० सिट भागवण्डा गर्ने सहमति भएको उहाँकाे दावी छ । पोखरेलका अनुसार अध्यक्षमा सुनील पोखरेल र गोपालकृष्ण घिमिरेमध्ये एक जना उम्मेदवार बन्ने सम्भावना छ । बारका पूर्वमहासचिव पोखरेल अघिल्लो महाधिवेशनमा अध्यक्षमा पराजित हुनुभएकाे थियाे ।
प्रतिक्रिया दिनुहोस्