काठमाडौं, २४ पुस । नेपाल बिद्यार्थी संघले लामो समयदेखि बिद्यार्थीहरुले उठाईरहेका माग पुरा नभएको भन्दै आन्दोलनको चेतावनी सहित सरकारलाई ७२ घण्टे अल्टीमेटम दिएको छ ।

नेविसंघले आज प्रधानमन्त्री शेर वहादुर देउवालाई ज्ञापन पत्र बझाउदै लामो समयदेखि बिद्यार्थीहरुले उठाईरहेका माग गर्न ७२ घण्टे अल्टीमेटम दिदै माग पुरा नभए आन्दोलन गर्ने चेतावनी दिएको हो । नेविसंघले स्वास्थ्यसम्बन्धी मौलिक हक अन्तर्गत रहने गरि सबै नियमित बिद्यार्थीहरुदाई निशुल्क स्वास्थ्यबिमा अविलम्व कार्यान्वयन गर्न माग गरेका छन् । त्यस्तै सबै नागरिकलाई रोजगारको ग्यारेन्टी गर्नुपर्ने र युवा बेरोजगार जनशक्तिलाई बेरोजगार भत्ताको व्यबस्था गर्न माग गरिएको छ । मार्कसिट राखेर बिनाधितो ऋण दिनुपर्ने, सबै स्थानीय तहमा एक सरकारी प्राविधीक शिक्षालय स्थापना पर्नुपर्ने लगायतका माग राखेर प्रधानमन्त्री देउवालाई ज्ञापन पत्र बुझाईएको नेविसंघका अध्यक्ष नैनसिंह महरले जानकारी दिनुभयो ।

नेविसंघले बुझाएको ज्ञापन पत्र बुझ्दै प्रधानमन्त्री देउवाले मागलाई अध्ययन गर्दे प्रक्रियागत ढंगले सम्बोधनका लागी प्रयास गर्ने बताउनुभएको थियो । नेविसंले ७२ घण्टाभित्र माग पुरा नभए पौष २६ गतेदेखि चरणबद्ध आन्दोलन गर्ने जनाएको छ ।