काठमाडौं । पछिल्लो २४ घण्टामा देशभर २ सय ५४ जनामा कोरोना संक्रमण पुष्टि भएको छ ।
स्वास्थ्य तथा जनसंख्या मन्त्रालयका अनुसार विगत २४ घण्टामा पीसीआर परीक्षणबाट २ सय ४२ र एन्टिजेन परीक्षणबाट १२ जनामा संक्रमण पाइएकोे हो । मन्त्रालयका अनुसार विगत २४ घण्टामा देशभर ६ हजार २ सय ६८ पीसीआर र २ हजार ४ सय १४ एन्टिजेन परिक्षण गरिएको थियो ।
यसैगरी विगत २४ घण्टामा २ सय ३४ जना संक्रमित निको भएका छन् । त्यस्तै संक्रमणबाट विगत २४ घण्टामा १ जनाको निधन भएको छ । आज पुष्टि भएका संक्रमितमध्ये काठमाडौं उपत्यकामा मात्र १ सय ५४ जना छन् । जसमा काठमाडौंमा १ सय १९ जना, ललितपुरमा ३० जना र भक्तपुरमा ५ जनामा संक्रमण पुष्टि भएको छ । हाल देशभर गरी ५ हजार ८ सय ९० जना सक्रिय संक्रमित रहेका छन् ।
प्रतिक्रिया दिनुहोस्