काठमाडौं । काठमाडौं, उच्च वायु प्रदूषणको सातौं स्थानमा आइपुगेको छ । पछिल्लो दुई दिनदेखि बढिरहेको वायु प्रदूषणले काठमाडौंको हावा अस्वस्थकर बनेको छ । काठमाडौंको बुधबार दिउ“सोको हावाको गुणस्तर (एक्यूआई) १ सय ५६ रहेको छ । समान्यतया ० देखि ५० सम्म एक्यूआईलाई स्वस्थकर मानिन्छ भने ५१ देखि १ सय सम्म मध्यम, १ सय १ देखि १५० सम्म संवेदनशील समूहका लागि अस्वथ मानिन्छ । स्वीट्जरल्यान्डका विशेषज्ञहरूको समूहले गत बुधबार सार्वजनिक गरेको ‘आईक्यू एअर भिजुअल’ प्रतिवेदनमा विश्वका ३० प्रदूषित सहरको सूचीमा काठमाडौं सातौं स्थानमा परेको छ ।

बुधबार दिउ“सो २ बजे पाकिस्तानको लाहोर सबैभन्दा बढी वायु प्रदूषण हुने शहरको सूचीमा पहिलो स्थानमा छ । जहा“को एक्यूआई १ सय ९० छ । भारतको दिल्लीमा १ सय ८३, कोलकत्तामा १ सय ६४, सर्बियाको बेलग्रेडमा १ सय ६४ र बंगलादेशबको ढाकामा १६१ एक्यूआई क्रमशः दोस्रो, तेस्रो, चौथो र पा“चौं स्थानमा छ । त्यसैगरी पाकिस्तानको कराँची शहर १ सय ५६ एक्यूआईसहित छैटौं स्थानमा छ । पर्याप्त मात्रामा हावा नचल्दा धुलोका कणहरु वायुमण्डलमै रहँदा वायु प्रदूषण बढेको वातावरणविद्हरू बताउँछन् ।