काठमाडौं । नेकपा माओवादी केन्द्रका अध्यक्ष पुष्पकमल दाहाल ’प्रचण्ड’ले आफूहरूद्वारा सञ्चालित तत्कालीन युद्धमा भएका कमीकमजोरीको छानबिन गरी सत्यतथ्य सार्वजनिक गर्न तयार रहेको बताउनुभएको छ । आजसम्मका राजनैतिक उपलव्धीप्रति गर्व गर्दै युद्धमा भएका कमीकमजोरीको छानबिन गरी सत्यतथ्य सार्वजनिक गर्न प्रतिवद्ध रहेको अध्यक्ष प्रचण्डले जनाउनुभयो ।

विस्तृत शान्ति सम्झौता भएको १५ औं वर्षका अवसरमा एक प्रेस वक्तव्य जारी गर्दै अध्यक्ष प्रचण्डले युद्धअवधिमा भएका घटनाको सत्यतथ्य छानबिन गरी सार्वजनिक गर्न र पीडितहरुलाई न्यायको मान्यतामा आधारित छानबिनको प्रकृयाबाट टुङ्गोमा पु¥याई समाजमा मेलमिलाप कायम गर्ने बताउनुभयो । शान्ति प्रक्रियाको बाँकी कामका रुपमा रहेको द्वन्द्वकालीन घटनाको सत्य तथ्य छानविन गरी मेलमिलापको वातावरण तयार गर्न सत्यनिरुपण तथा मेलमिलाप आयोग तथा बेपत्ता छानविन आयोगहरू गठन भइ कार्यरत रहेका छन् ।

उहांले सहिद तथा वेपत्ता परिवार, घाइते, विस्थापित लगायतका पीडितहरुसँगको परामर्शमा अन्तर्राष्ट्रिय मापदण्डको पालना गरेर कानुन बनाइरहेको पनि बताउनुभयो । नेपाली मौलिकतामा विधेयकलाई परिमार्जन गरी आगामी संसदीय अधिवेशनमा टुङ्गोमा पु¥याउने गरी काम भइरहेको उहांको धारणा रहेको छ । शान्ति र महिला सम्वद्ध संयुक्त राष्ट्रसंघीय सुरक्षा परिषदको प्रस्ताव नम्बर १८२० तथा १३२५ को पहिलो राष्ट्रिय कार्ययोजना सफलतापूर्वक सम्पन्न गरिसकेको र दोश्रो कार्ययोजना समेत कार्यान्वयन गर्ने कुरामा पनि विश्वस्त रहेको उहांको भनाई छ ।