काठमाडौं । भारत सरकारको आर्थिक सहयोगमा गोरखा र नुवाकोटमा ५० हजार घरधुरी पुननिर्माणको काम सम्पन्न भई हस्तान्तरण भएको छ । सोमबार नेपाल–भारत संयुक्त सरकार एवम् संयुक्त राष्ट्र विकास कार्यक्रम (युएनडिपी) को संयुक्त सहकार्यमा पुननिर्माण सम्पन्न भएको जनाइएको छ । विसं. २०७२ सालको भुकम्पबाट क्षति पु¥याएका घरहरुमध्ये भारतीय सरकारको आर्थिक सहयोगमा क्षतिग्रस्त ५० हजार घर पुननिर्माण भएको हो । राष्ट्रिय पुननिर्माण प्राधिकरणका प्रमुख कार्यकारी अधिकृत सुशील ज्ञवालीले भारतीय सरकार धन्यवाद ज्ञापन गर्नुहुदै आगामी दिनमा पनि नेपाल र भारतबीचको आर्थिक तथा सामाजिक सहकार्य कायमै रहने विश्वास व्यक्त गर्नुभयो ।

यससँगै नेपाल र भारत लगायत विश्वमै उत्पन्न भइरहेको जलवायु परिवर्तन सम्बन्धि समस्यालाई दुवै देशले सम्बोधन गर्नुपर्नेमा उहाँको जोड छ । गोरखा र नुवाकोटमा ५० हजार घरको पुननिर्माण सम्पन्न हुनुमा स्थानीय सरकारहरुको भूमिका पनि सराहनीय भएको धारणा राख्नुभयो । भुकम्प पश्चात् सरकारले किस्तापच्छिे उपलब्ध गराएको ३ लाख रुपैंयामा कसरी घर बनाउने भन्ने चिन्तामा रहेका नुवाकोट र गोरखाका स्थानीय भने यतिबेला खुसी देखिएका छन् । विशेषगरी, महिलाहरुलाई घर पुननिर्माणको तालिम नै प्रदान गरेर महिलाको क्षमता अभिवृद्धि एवम् सशक्तिकरणमा पनि टेवा पुगेको सरोकारवाला बताउछन् ।

भुकम्पबाट क्षतिग्रस्त क्षेत्रमा पुननिर्माणको काम सम्पन्न हुनु खुसीको विषय भएपनि सो क्षेत्रका सांस्कृतिक परम्परालाई पनि ध्यान दिइनुपर्नेमा गोरखा र नुवाकोटका जनप्रतिनिधिहरुले जोड दिएका छन् । यससँगै स्थनीयबासीमा प्राविधिक एवम् भुकम्पीय जोखिमबाट बच्न सक्ने ज्ञानको अभिवृद्धि हुनुपर्ने पनि उनीहरुको भनाई छ ।