काठमाडौं । आज कुनै पनि इजलास नबसे पनि सर्बोच्च अदालतमा पहिले कहिल्यै नभएको रमाइलो दृश्य देखियो । आजका लागि पेशी तोकेका सात वटामध्ये चारवटा खाली इजलासमा अधिवक्ताहरूले बहस गरे । न्यायालय चल्नुपर्छ भन्दै सेतो पट्टी बा“धेर आन्दोलनमा उत्रिएका वकिलहरूले सर्वोच्चमा आजलाई तोकिएका चारवटा इजलासमा बहस गरेका हुन् । तर वकिलहरूले खाली इजलासमा बहस गरेका हुन । ती चारवटै इजलासमा न्यायाधीश र कर्मचारी दुवैथरी उपस्थित थिएनन् ।

न्यायाधीशको बहिष्कारपछि इजलासमा कर्मचारी पनि उपस्थित नहु“दा वकिलहरूले एक्लै बहस गरेका थिए । अधिवक्ताहरू स्वागत नेपाल, कृष्ण प्रसाई, अनिल उपाध्याय, दिपेन्द्र घिमिरे, श्रीधर न्यौपाने, पृथ्वीनाथ राईसहित १० जना अधिवक्ताहरूले चारवटै खाली इजलासमा बहस गरेका हुन् । सर्वोच्चको इतिहासमै पहिलो पटक वकिलहरूले खाली इजलासमा बहस गरेका हुन् । अहिले न्यायालय चल्नुपर्ने पक्षका वकिलहरूले इजलास नम्बर ७, ६, ४ र ३ मा बहस गरेका थिए ।