काठमाडौं । प्रधानमन्त्री शेरबहादुर देउवाले गृहमन्त्री बालकृष्ण खा“णलाई अदालतमा भइरहेको विरोध प्रदर्शनमा अनावश्यक दमन नगर्न निर्देशन दिनुभएको छ । आज प्रधानमन्त्री निवास बालुवाटारमा गृहमन्त्री ख“णलाई बोलाएर देउवाले नेपाल बार एशोसिएशनले गरिरहेको प्रदर्शनमा ’अनावश्यक दमन’ नगर्न निर्देशन दिएको प्रधानमन्त्री निकट स्रोतले जनाएको छ । प्रधानन्यायाधीश चोलेन्द्र शमशेर राणाको राजीनामा माग्दै बारले सर्वोच्च परिसरमा केही दिनदेखि प्रदर्शन गर्दै आएको छ । बिहीवार प्रदर्शनका क्रममा अधिवक्ता र प्रहरीबीच घम्साघम्सी समेत भएको थियो । बारले प्रधानन्यायाधीशको ठाडो आदेशमा दमन भएको आरोप लगाउ“दै आएको छ ।
शुक्रवार पनि प्रधानन्यायाधीश जबरालाई अदालत प्रवेश गर्न नदिने भन्दै बारले सर्वोच्चको मूल गेट बाहिर प्रदर्शन गरेको थियो । यद्यपि, राणा अर्को ढोकाबाट सर्वोच्च प्रवेश गर्नुभएको थियो । राणालाई रोक्न विफल भएपछि बारले आफ्नो आन्दोलन थप चर्काउने घोषणा गरेको छ । आइतवार पनि राणालाई सर्वोच्च प्रवेशमा रोक लगाउने बारको तयारी छ । बारले सरकार र राजनीतिक दलले न्यायलयको विषयमा हालसम्म केही नबोलेको भन्दै अब पनि सरकार र राजनीतिक दलले नबोले उनीहरु विरुद्ध पनि संघर्ष गर्ने चेतावनी दिएको छ ।
प्रतिक्रिया दिनुहोस्