काठमाडौं । नेपाल कम्युनिष्ट पार्टी (एकीकृत समाजवादी) ले गठन भएको एक महिनामै पार्टी निर्माणकार्यमा अभूतपूर्व उत्साह देखिएको ठहर गरेको छ । पार्टीका तर्फबाट प्रचार विभाग प्रमुख जगन्नाथ खतिवडाले शनिवार एक महिनाको प्रगति विवरण सार्वजनिक गर्दै यो अवधीमा देशभरका कमिटी एवं जनसंगठनको विभिन्न तहका कमिटीमा लाखौं युवा संगठित हुने लहर चलेको दावी गर्नुभएको छ । नेकपा (एमाले) बाट विद्रोह गरी गठन भएको यस पार्टीले भदौ ९ गते निर्वाचन आयोगबाट दर्ता प्रमाणपत्र प्राप्त गरेको थियो ।
त्यसयता केन्द्रीय कमिटीलाई पूर्णता दिने र सम्पूर्ण प्रदेश तथा प्रदेश स्तरका कमिटीका इञ्चार्ज, सहइञ्चार्ज, अध्यक्ष, सचिवसहितका पदाधिकारी तोकिएको प्रगति विवरणमा जनाइएको छ । त्यसैगरी केन्द्रीय आयोग र निकायहरु गठन भइसकेको, केन्द्रीय विभागका प्रमुख, उपप्रमुखहरु तोकिएको कुरालाई प्रगति विवरणमा समेटिएको छ । यसबीचमा देशका ७३ भौगोलिक जिल्ला र ४ वटा गैरभौगोलिक जिल्ला कमिटीहरु गठन भएको नेकपा एसले जनाएको छ । अहिले संघीय तथा प्रदेश स्तरका निर्वाचन क्षेत्रीय कमिटी, स्थानीय तहका विभिन्न पालिका, वडा तथा टोल कमिटी गठनको प्रक्रियाले तीव्रता पाएको भन्दै प्रगति विवरणमा विभिन्न जिल्ला र केन्द्रबीच समन्वय स्थापित गर्ने सम्पर्क मञ्चहरुको गठनकार्य जारी रहेको जनाइएको छ । यसबीच, हाम्रो पार्टीका चार जना संघीय सांसदले संघीय सरकारको मन्त्रिपरिषद्मा सहभागिता जनाएको र एकजना राज्यमन्त्रीका रुपमा सरकारमा सहभागी भएको विवरणमा उल्लेख छ ।
प्रदेश १ र बागमती प्रदेश सरकारको आगामी नेतृत्व नेकपा एसले गर्ने सहमति पँ“च दलीय गठबन्धनको बैठकले गरिसकेको उललेख गर्दै राष्ट्रिय राजनीति तथा राष्ट्रिय जनजीवनका हरेक क्षेत्रमा पार्टीको उपस्थिति, चासो र क्रियाशीलता दिनप्रतिदिन बढ्दो रहेको बताइएको छ ।
प्रतिक्रिया दिनुहोस्