काठमाडौं । एभरेष्ट प्रिमियर लिग क्रिकेट (ईपीएल) अन्तर्गतको आजका लागि तय भएको पोखरा राइनोज र काठमाडौ किंग्स इलाभेनको खेल पनि स्थगित भएको छ । कीर्तिपुरस्थित त्रिवि क्रिकेट मैदानमा खेलका लागि दुवै टोली पुगे पनि पुनः पानी परेपछि खेल हुन नसकेको हो ।

आइतबारदेखिको वर्षाका कारण मैदान भिजेपछि खेल हुन नसकेको हो । दुई टोलीका कप्तान र अम्पायरबीच छलफल भएपछि खेल स्थगित गर्ने निर्णय भएको हो । मैदानको आउट फिल्ड सुकाउनका लागि मैदान कर्मचारीले भरपुर प्रयास गरे पनि मौसमले साथ नदिएपछि खेल हुन नसकेको हो ।

यसै गरी हिजो वर्षाका कारण काठमाडौं र विराटनगर तथा भैरहवा र चितवनबीचको खेल रोकिएको थियो । घोषित नया“ मिति अनुसार काठमाडौं र विराटनगरबीचको खेल आगामी शुक्रबार बिहान हुनेछ । त्यसैगरी, भैरहवा र चितवनबीचको खेल आगामी शनिबार हुनेछ ।