काठमाडौं । पूर्व प्रधानमन्त्री तथा नवगठित नेकपा एकीकृत समाजवादीका वरिष्ठ नेता झलनाथ खनाल स्वेदश फिर्ता हुनु भएको छ । भारतको नया दिल्लीस्थित एपोलो अस्पतालमा उपचार गराएर खनाल सोमबार नेपाल फर्किनुभएको हो ।
खनाललाई त्रिभुवन अन्तर्राष्ट्रिय विमानस्थलमा नेकपा (एकीकृत समाजवादी) का अध्यक्ष माधवकुमार नेपाल लगायत नेताहरूले स्वागत गरेका थिए । त्यस अवसरमा नेता खनालले आफ्नो उपचारमा संलग्न स्वास्थ्यकर्मी, आफूलाई मिर्गौला दिएर जीवन दान दिने छोरी मेलिना चित्रकारलगायत सबै शुभेच्छुकप्रति आभार प्रकट गर्नुभयो । उहाले अब आफ्नो बाकी जीवन देश र जनताको निम्ति खर्च गर्ने बताउनुभयो ।
गत असार २ गते उपचारका लागि दिल्ली जानुभएका खनाल भारतमै रहेको बेला एमाले विभाजन भएको थियो । खनालले अस्पतालबाटै आफू नेपाल नेतृत्वको एकीकृत समाजवादीमा रहने भन्दै निर्वाचन आयोगमा सनाखत गराउनुभएको थियो ।
प्रतिक्रिया दिनुहोस्